അമ്പലപ്പുഴ: അനധികൃത നിലം നികത്തുന്നതിനായി പാസില്ലാതെ എട്ട് ടോറസുകളിലായി കൊണ്ടു വന്ന ഗ്രാവല്‍ പോലീസ് പിടികൂടി. പുന്നപ്ര സി.ഐ: കെ.എസ്.പ്രതാപ് ചന്ദ്രന്‍, എസ്‌ഐ: എസ്.വി.ബിജു എന്നിവരുടെ നേത്യത്വത്തിലുള്ള സംഘമാണ് ഇവ പിടികൂടിയത്.
പുന്നപ്ര മാര്‍ക്കറ്റ് ജങ്ഷന് പടിഞ്ഞാറ് കോടതി ഉത്തരവിന്റെ അടിസ്ഥാനത്തില്‍ നിലം നികത്തിയിരുന്നു. ഇതിന്റെ രേഖകള്‍ പരിശോധിക്കുന്നതിനായി പുന്നപ്ര പോലീസിടപെട്ട് ഈ നിലം നികത്തല്‍ നിര്‍ത്തിവെയ്പിച്ചിരുന്നു. ഇതിന് എതിര്‍ വശത്തുള്ള സ്ഥലത്താണ് ഇതിന്റെ മറവില്‍ നിലം നികത്താനായി എട്ട് ടോറസുകളിലായി പാസില്ലാത്ത ഗ്രാവല്‍ എത്തിച്ചത്.
രാവിലെ പുന്നപ്ര ജങ്ഷന് സമീപം ഒന്നര മണിക്കൂറോളം ഗതാഗത തടസ്സം സൃഷ്ടിച്ചതിനും ലോറി ജീവനക്കാര്‍ക്കെതിരെ കേസെടുത്തതായി പോലീസ് അറിയിച്ചു. പിടിച്ചെടുത്ത ലോറികളും ഗ്രാവലും ആര്‍ഡിഒക്ക് കൈമാറുമെന്ന് സിഐ പറഞ്ഞു.
പ്രതികരിക്കാൻ ഇവിടെ എഴുതുക: