തിരുവനന്തപുരം: നിര്‍ബന്ധിത പരിവര്‍ത്തനങ്ങള്‍ക്ക് ഇസ്ലാമില്‍ സ്ഥാനമില്ലെന്നും അതിനാല്‍ പാലാ ബിഷപ്പ് പറഞ്ഞത് തെറ്റാണെന്നും കാന്തപുരം എ.പി. അബൂബക്കല്‍ മുസ്ലിയാര്‍. കോണ്‍ഗ്രസ് നേതാവ് കെ. സുധാകരനുമായുള്ള കൂടിക്കാഴ്ചയ്‌ക്ക് ശേഷം സംസാരിക്കുകയായിരുന്നു കാന്തപുരം.
ഈ വിഷയത്തില്‍ മധ്യസ്ഥ ചര്‍ച്ചയല്ല വേണ്ടത്, മുസ്ലിം സമുദായത്തിനെതിരെ തെറ്റായ ആരോപണം ഉന്നയിച്ച പാലാ ബിഷപ്പ് അത് പിന്‍വലിക്കുകയാണ് വേണ്ടതെന്നും കാന്തപുരം വ്യക്തമാക്കി. ഈ വിഷയത്തില്‍ സര്‍ക്കാര്‍ നിലപാട് വ്യക്തമാക്കിയിട്ടില്ലെന്നും കാന്തപുരം പറഞ്ഞു.
നിര്‍ബന്ധിത മതപരിവര്‍ത്തനം ഇസ്ലാമില്‍ ഇല്ല. സൗകര്യമുള്ള ആളുകള്‍ക്ക് വരാം. അല്ലാത്തവര്‍ക്ക് പോകാം എന്നതാണ് ഇസ്ലാമിലെ നയമെന്നും കാന്തപുരം പറഞ്ഞു.
പ്രതികരിക്കാൻ ഇവിടെ എഴുതുക: