നാദാപുരം: മിണ്ടാപ്രാണിയോടുള്ള മനുഷ്യന്റെ ക്രൂരത വീണ്ടും. കോഴിക്കോട് നാദാപുരം കുമ്മങ്കോട്ടെയിലാണ് സംഭവം. ചന്തംമുക്കിലുള്ള കശാപ്പുശാലയിലേക്ക് പോത്തിനെ കിലോമീറ്ററുകളോളം ഓട്ടോറിക്ഷയില്‍ കെട്ടിവലിക്കുകയായിരുന്നു. ഓട്ടോയുടെ പിന്‍ഭാഗത്ത് പോത്തിനെ കെട്ടി അതിവേഗതയില്‍ ഓടിച്ച് പോകുകയായിരുന്നു. ഒടുവില്‍ കാലുകള്‍ തകര്‍ന്ന്, വായിലൂടെയും മൂക്കിലൂടെയും നുര വന്ന് പോത്ത് താഴെ വീണതോടെയാണ് ഡ്രൈവര്‍ ഓട്ടോ നിര്‍ത്തിയത്.
പോത്തിനെ ഓട്ടോയില്‍ കെട്ടി ഓടിച്ചുപോകുന്ന ദാരുണമായ വീഡിയോ സോഷ്യല്‍ മീഡിയകളില്‍ പ്രചരിക്കാന്‍ തുടങ്ങിയതോടെ പ്രതികളായ അറവ്ശാല ഉടമകള്‍ പുളിക്കൂല്‍ ഉസ്മാന്‍ (40), തൈയ്യുള്ളതില്‍ ബീരാന്‍ (45) എന്നിവരെ നാദാപുരം പോലീസ് അറസ്റ്റ് ചെയ്തു.
പ്രതികരിക്കാൻ ഇവിടെ എഴുതുക: