പെഗാസസിന്റെ ബാനറില് ജനിസിസ് നിര്മിക്കുന്ന ചിത്രമായ ‘തൂലിക’യുടെ ടൈറ്റില് ലോഞ്ചിങ് കാര്ട്ടൂണിസ്റ്റ് യേശുദാസന് നിര്വഹിച്ചു. റോയ് മണപ്പള്ളില് കഥയും തിരക്കഥയും ഗാനങ്ങളുമെഴുതി സംവിധാനം ചെയ്യുന്ന ചിത്രത്തില് മാത്യൂസ് ജോണ്, ടോണി, മോഹന് അയിരൂര്, വഞ്ചിയൂര് പ്രവീണ്കുമാര്, ടോം ജേക്കബ്, ജോയ് ജോണ്, ഹരിശ്രീ യൂസഫ്, അഞ്ജലി ജോര്ജ്, ദേവി ചന്ദന, സിന്ധു വേണുഗോപാല് തുടങ്ങിയവരാണ് അഭിനേതാക്കള്.
ഭാര്യയുടെ പേരില് കഥയെഴുതുന്ന ഒരു എഴുത്തുകാരന്റെ ജീവിതമാണ് ചിത്രത്തിന്റെ ഇതിവൃത്തം. ലിപ്സണ് സംഗീതം നല്കിയ ആറു ഗാനങ്ങള് കെ.ജി.മാര്ക്കോസ്, അലോഷ്യസ് പെരേര, രമേശ് മുരളി, ജെനി എന്നിവര് ആലപിക്കുന്നു. ഛായാഗ്രഹണം ജോസ് ലൂയിസ്.
കൊച്ചി, ദുബായ്, മൂന്നാര്, കോഴഞ്ചേരി എന്നിവിടങ്ങളിലായി ഒക്ടോബര് രണ്ടാം വാരം ‘തൂലിക’ ചിത്രീകരണം ആരംഭിക്കും.
