തിരുവനന്തപുരം: ആരോഗ്യമന്ത്രിക്കടക്കം രൂക്ഷ വിമര്‍ശനവുമായി കായംകുളം സിപിഎം എംഎല്‍എ യു. പ്രതിഭ. മന്ത്രിമാര്‍ ഫോണ്‍ വിളിച്ചാല്‍ എടുക്കാറില്ലെന്നാണ് എംഎല്‍എയുടെ ആരോപണം. എത്ര തവണ വിളിച്ചാലും ചില മന്ത്രിമാര്‍ ഫോണെടുക്കാറില്ലെന്നും തിരിച്ചുവിളിക്കാനുള്ള മര്യാദ കാണിക്കാറില്ലെന്നുമാണ് കായംകുളം എം.എല്‍.എയുടെ പരാതി. താന്‍ മന്ത്രിയെ വിളിക്കുന്നത് വ്യക്തിപരമായ കാര്യം സംസാരിക്കാനല്ലെന്നും പ്രതിഭ പറയുന്നു.എന്നാല്‍, മന്ത്രി ശിവന്‍കുട്ടി അങ്ങനെയല്ലെന്നും പ്രതിഭ. സിപിഎം നേതാവും മന്ത്രിയുമായ വി. ശിവന്‍കുട്ടി, ആലപ്പുഴ എം.പി എ.എം ആരിഫ് എന്നിവര്‍ വേദിയിലിരിക്കെയാണ് മന്ത്രിമാര്‍ക്കെതിരേ പാര്‍ട്ടി എംഎല്‍എ തന്നെ രംഗത്ത് വന്നത് എന്നത് ശ്രദ്ധേയമാണ്.
മറ്റ് എല്ലാ മന്ത്രിമാരും വിളിച്ചാല്‍ ഫോണ്‍ എടുക്കും. എടുക്കാന്‍ പറ്റാത്തവര്‍ തിരികെ വിളിക്കും. എന്നാല്‍ എത്ര തവണ വിളിച്ചാലും ഒരു മന്ത്രി ഫോണ്‍ എടുക്കില്ല. തിരക്കായിരിക്കുമോ എന്ന് നൂറ് തവണ ആലോചിച്ച ശേഷമാണ് മന്ത്രിയെ വിളിക്കാറുള്ളതെന്നും എം.എല്‍.എ പറയുന്നു.
പ്രതികരിക്കാൻ ഇവിടെ എഴുതുക: