എടത്വ: ഉയര്ന്ന ഉദ്യോഗസ്ഥരുടെ വെളിപ്പെടുത്തലുകളുടെയും സ്ഥിതിവിവര കണക്കുകളുടെയും ആധികാരിക പഠനങ്ങളുടെയും വെളിച്ചത്തില്, ചുരുക്കം ചില ഇസ്ലാമിക സംഘടനകള് കേരളത്തിലും തീവ്രവാദ പ്രവര്ത്തനങ്ങള് നടത്തുന്നു എന്ന് സ്വന്തം ജനത്തെ പിതൃവാത്സല്യത്തോടെ ബോധവാന്മാരാക്കിയ പാലാ മെത്രാന് മാര് ജോസഫ് കല്ലറങ്ങാട്ടിന് എടത്വ ഫൊറോന യുവദീപ്തി എസ്എംവൈഎമ്മിന്റെ പിന്തുണ പ്രഖ്യാപിച്ചു.
ലൗ ജിഹാദും നാര്ക്കോട്ടിക് ജിഹാദും ക്രൈസ്തവ സമൂഹത്തിന് ദോഷകരമാണെന്ന പ്രസ്താവനയെ ഒരു സമുദായത്തെ മുഴുവന് ആക്ഷേപിക്കുന്നതും സമാധാനം നശിപ്പിക്കുന്നതുമായ പ്രസ്താവനയായി ചിത്രീകരിക്കുന്ന പ്രവണത ഉപേക്ഷിക്കണമെന്നും വരും തലമുറയെ ഇത്തരത്തിലുള്ള കെണികളില് നിന്നും സംരക്ഷിക്കണമെന്നും കൂട്ടിച്ചേര്ത്തു.
