തിരുവനന്തപുരം: കേരളത്തില്‍ നാര്‍ക്കോട്ടിക്ക് ജിഹാദ് ശക്തമാകുന്നുണ്ടെന്ന പാലാ ബിഷപ്പിന്റെ ആരോപണം അന്വേഷിക്കണമെന്ന് ആവശ്യപ്പെട്ട് ബിജെപി സംസ്ഥാന ജനറല്‍ സെക്രട്ടറി ജോര്‍ജ് കുര്യന്‍ കേന്ദ്ര ആഭ്യന്തര മന്ത്രി അമിത്ഷായ്ക്ക് കത്തയച്ചു. അപ്രിയ സത്യം തുറന്ന് പറഞ്ഞതിന്റെ പേരില്‍ ജിഹാദികളും കോണ്‍ഗ്രസ്-സിപിഎം ഉള്‍പ്പെടെയുള്ള കപടമതേതര പാര്‍ട്ടികളും ബിഷപ്പിനെ വളഞ്ഞിട്ടാക്രമിക്കുകയാണ്. ലൗജിഹാദിനെ പോലെ നാര്‍ക്കോട്ടിക്ക് ജിഹാദും യാഥാര്‍ത്ഥ്യമാണെന്നും അമുസ്ലിങ്ങളെ ലക്ഷ്യമിട്ട് ഇത്തരം സംഘങ്ങള്‍ പ്രവര്‍ത്തിക്കുന്നുണ്ടെന്നും കത്തില്‍ അദ്ദേഹം പറഞ്ഞു. പാലാ ബിഷപ്പ് ജോസഫ് കല്ലറങ്ങാട്ടിന് സംരക്ഷണം നല്‍കണമെന്നും ബി.ജെ.പി ആവശ്യപ്പെട്ടിട്ടുണ്ട്.
മുഖ്യമന്ത്രിയും പ്രതിപക്ഷ നേതാവും ഭീഷിയുടെ സ്വരത്തിലാണ് സംസാരിച്ചതെന്നും ഇവരില്‍ നിന്ന് ആവേശം ഉള്‍ക്കൊണ്ടാണ് ബിഷപ്പ് ഹൗസിലേക്ക് തീവ്രവദാ സംഘടനകള്‍ പ്രകടനം നടത്തിയതെന്നും ജോര്‍ജ് കുര്യന്‍ പറഞ്ഞു. പാലാ ബിഷപ്പിനെ തെരുവില്‍ ഇറങ്ങാന്‍ അനുവദിക്കില്ലെന്ന തരത്തിലാണ് ഇവര്‍ പ്രകടനത്തില്‍ മുദ്രാവാക്യം വിളിച്ചത്. ബിഷപ്പിനെതിരായി ഒരേ രീതിയില്‍ ഭരണകൂടവും പ്രതിപക്ഷവും നീങ്ങിയ സാഹചര്യത്തിലാണ് അമിത് ഷായ്‌ക്ക് കത്തയച്ചതെന്നും ജോര്‍ജ് കുര്യന്‍ വ്യക്തമാക്കി.
പാലാ ബിഷപ്പ് മാര്‍ ജോസഫ് കല്ലറങ്ങാടിന്റെ പ്രസ്താവന ഭീകരവാദികള്‍ക്കെതിരായ നിലപാടാണെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍ വ്യക്തമാക്കി. പക്ഷേ അത് കൊണ്ടത് സിപിഎമ്മിനും കോണ്‍ഗ്രസ്സിനുമാണെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. സിപിഎമ്മിന്റേയും കോണ്‍ഗ്രസ്സിന്റേയും അസഹിഷ്ണുതയാണ്. സത്യം പറയുന്നവരെയെല്ലാം അവര്‍ സംഘപരിവാര്‍ ആക്കുകയാണെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: