ലണ്ടന്‍: ഇന്ത്യയ്‌ക്കെതിരെ നാലാം ടെസ്റ്റില്‍ 368 റണ്‍സ് എന്ന വിജയലക്ഷ്യവുമായി ഇറങ്ങിയ ഇംഗ്ലണ്ടിന് ബാറ്റിംഗ് തകര്‍ച്ച. ഏറ്റവുമൊടുവില്‍ ജോണി ബെയര്‍സ്‌റ്റോയുടെ വിക്കറ്റ് നഷ്ടമായതോടെ ഇംഗ്ലണ്ട് എട്ടുവിക്കറ്റ് നഷ്ടത്തില്‍ 193 റണ്‍സ് എന്ന നിലയിലാണ്.
193 പന്തുകള്‍ നേരിട്ട് ഇംഗ്ലണ്ടിന് സ്ഥിരത നല്‍കാന്‍ ശ്രമിച്ച ഹബീബിനെ 63 റണ്‍സെടുത്ത് നില്‍ക്കെ ജഡേജ ക്ലീന്‍ ബൗള്‍ഡാക്കിയത് ഇന്ത്യയ്‌ക്ക് വഴിത്തിരിവായി. തിങ്കളാഴ്ച ബാറ്റിംഗ് ആരംഭിച്ച ഇംഗ്ലണ്ടിന് ആദ്യം റോറി ബേണ്‍സിനെ നഷ്ടമായി. 125 പന്തുകളില്‍ നിന്നും 50 രണ്‍സെടുത്ത താരത്തെ ശാര്‍ദുലിന്റെ പന്തില്‍ വിക്കറ്റ് കീപ്പര്‍ ഋഷഭ് പന്ത് പിടിച്ച് പുറത്താക്കി. പിന്നീട് ഡേവിഡ് മാലന്‍ അഞ്ച് റണ്‍സെടുത്ത് റണ്ണൗട്ടായി.
ഇന്ത്യയ്‌ക്ക് വേണ്ടി ജസ്പ്രിത് ബുംറയും രവീന്ദ്ര ജഡേജയും ശര്‍ദുല്‍ താക്കൂറും രണ്ട് വിക്കറ്റുകള്‍ വീതമെടുത്തു. രവീന്ദ്ര ജഡേജയും ഉമേഷ് യാദവും ഓരോ വിക്കറ്റും വീഴ്‌ത്തി. റോയ് ജോസഫ് ബേണ്‍സും ഹസീബ് ഹമീദും മാത്രമാണ് ഇംഗ്ലണ്ടിന് വേണ്ടി ശോഭിച്ചത്. ഇരുവരും അര്‍ധസെഞ്ച്വറികള്‍ നേടി.
പ്രതികരിക്കാൻ ഇവിടെ എഴുതുക: