എടത്വ: കേടായതിനെ തുടര്ന്ന് വഴിയരികില് പാര്ക്ക് ചെയ്തിരുന്ന വണ്ടിയുടെ പാര്ട്സുകള് മോഷണം പോയ നിലയില്. മങ്കോട്ടച്ചിറ പുത്തന്തുരുത്തില് ശ്യാംസുന്ദറിന്റെ കാറിലാണ് മോഷണം നടന്നത്. മങ്കോട്ടച്ചിറ ഗേറ്റിന് സമീപം പാര്ക്ക് ചെയ്തിരുന്ന വാഹനത്തിന്റെ ഡോര്, രണ്ട് ഹെഡ് ലൈറ്റ്, രണ്ട് ടയര്, ഡോറിന്റെ ഇന്സൈഡിലെ സാധനങ്ങള്, സെറ്റ്, സ്പീക്കര്, ബാറ്ററി എന്നിവയാണ് മോഷണം പോയത്. ജാക്കി വച്ച് ഉയര്ത്തിയ ശേഷമാണ് ടയറുകള് ഊരി എടുത്തിരിക്കുന്നത്.
തെങ്ങുകയറ്റ തൊഴിലാളി കൂടായായ ശ്യാംസുന്ദറിന്റെ തെങ്ങ് കയറുന്ന മെഷീനും വണ്ടിക്കുള്ളിലുണ്ടായിരുന്നു അതും മോഷണം പോയിട്ടുണ്ട്. മറ്റൊരു വണ്ടി വന്ന് ഈ കാറില് ഇടിച്ചതാണെന്നാണ് വാഹന ഉടമ ആദ്യം കരുതിയതെങ്കിലും പിന്നീടാണ് മോഷണമാണെന്ന് മനസ്സിലായത്. എടത്വ പോലീസില് പരാതി കൊടുത്തു.
