കാബൂള്‍: ഏറെ ശ്രമകരമായ രക്ഷാദൗത്യത്തിന് ശേഷം, അഫ്ഗാനിസ്ഥാനിലെ കാബൂളില്‍ നിന്നും 85 ഇന്ത്യക്കാരെ രക്ഷിച്ച് ഇന്ത്യന്‍ സേന. കാബൂളില്‍ നിന്നും 85 ഇന്ത്യക്കാരെ നിറച്ച് വ്യോമസേനാവിമാനം ഇന്ത്യയിലേക്ക് പുറപ്പെട്ടു.
വ്യോമസേനയുടെ സി-130ജെ വിമാനമാണ് ഇന്ത്യയിലേക്ക് യാത്രതിരിച്ചത്. യാത്രാമധ്യേ വിമാനം താജിക്കിസ്ഥാനില്‍ ഇറങ്ങി ഇന്ധനം നിറച്ചു. ഇന്ത്യക്കാരെ ഒഴിപ്പിക്കുന്നതിനിടയില്‍ താലിബാന്‍ തീവ്രവാദികള്‍ പുറത്ത് വെടിവെച്ചതായി റിപ്പോര്‍ട്ടുണ്ടായിരുന്നു. എന്തായാലും മണിക്കൂറുകള്‍ നീണ്ട ആശങ്കകള്‍ക്കൊടുവില്‍ 85 ഇന്ത്യക്കാരെയും വിജയകരമായി ഒഴിപ്പിച്ചുകൊണ്ടുപോരാന്‍ സാധിച്ചു.
കാബൂള്‍ വിമാനത്താവളത്തിന് പുറത്ത് 280 ഓളം ഇന്ത്യക്കാര്‍ വാഹനങ്ങള്‍ കുടുങ്ങിക്കിടക്കുന്നതായി റിപ്പോര്‍ട്ടുണ്ട്.
പ്രതികരിക്കാൻ ഇവിടെ എഴുതുക: