കൊല്ലം: കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തില്‍ മെഗാ വാക്‌സിനേഷന്‍ ഡ്രൈവ്. കൊട്ടാരക്കര നഗരസഭയുടെ നേതൃത്വത്തില്‍ സ്‌പോട് രജിസ്‌ട്രേഷന്‍ വഴി 2500 പേര്‍ക്ക് വാക്സിന് നല്‍കി.
നഗരസഭാ പരിധിയില്‍ 100 ശതമാനം വാക്‌സിനേഷന്‍ പൂര്‍ത്തിയാക്കുകയാണ് ലക്ഷ്യം.പട്ടാഴി ഗ്രാമപഞ്ചായത്തില്‍ 60 വയസ്സിന് മുകളില്‍ പ്രായമുള്ള 3261 പേര്‍ക്ക് ഇതുവരെ വാക്സിന് നല്‍കി. ഓട്ടോറിക്ഷ തൊഴിലാളികള്‍ക്കായി പ്രത്യേക വാക്‌സിനേഷന്‍ ക്യാമ്പ് സംഘടിപ്പിക്കും.
ഒന്നിടവിട്ട ദിവസങ്ങളില്‍ ആര്‍ടിപിസിആര്‍, ആന്റിജന്‍ പരിശോധനകള്‍ നടത്തുന്നുണ്ട്. ചടയമംഗലം ഗ്രാമപഞ്ചായത്തിന്റെ നേതൃത്വത്തില്‍ ഇന്ന് കൈരളി ഓഡിറ്റോറിയത്തില്‍ വ്യാപാരി – വ്യവസായികള്‍ക്കും ഓട്ടോ ഡ്രൈവര്‍മാര്‍ക്കും ആര്‍ടിപിസിആര്‍ പരിശോധന നടത്തും. കൊവിഡ് നിരീക്ഷണത്തില്‍ കഴിയുന്നവര്‍ക്ക് ആശാവര്‍ക്കര്‍ മുഖേന ഹോമിയോ, ആയുര്‍വേദ പ്രതിരോധ മരുന്നുകള്‍ എത്തിച്ചു നല്‍കുന്നുണ്ട്.
ആര്‍ടിപിസിആര്‍, ആന്റിജന്‍ പരിശോധനകള്‍ വാര്‍ഡുതലത്തില്‍ നടത്തുന്നുണ്ടെന്ന് കുണ്ടറ പഞ്ചായത്ത് പ്രസിഡന്റ് മിനി തോമസ് പറഞ്ഞു.
പ്രതികരിക്കാൻ ഇവിടെ എഴുതുക: