പാലക്കാട് : ചന്ദ്രനഗര്‍ സഹകരണ ബാങ്കില്‍ നിന്നും ഏഴരക്കിലോ സ്വര്‍ണം മോഷ്ടിച്ച കേസിലെ പ്രതിപിടിയില്‍. മഹാരാഷ്‌ട്ര സത്താറ സ്വദേശി നിഖില്‍ അശോക് ജോഷിയാണ് പിടിയിലായത്. നിരവധി മോഷണ കേസുകളിലെ പ്രതിയാണ്.
നിഖില്‍ ഒരു മാസത്തോളമായി പാലക്കാട് താമസിച്ചാണ് മോഷണം നടത്തിയത്. ബാങ്കിന് സമീപത്തെ സിസിടിവി ദൃശ്യങ്ങള്‍ പരിശോധിച്ചതിനെ തുടര്‍ന്നാണ് ഇയാളെ കണ്ടെത്തിയത്. തുടര്‍ന്ന് പ്രത്യേക സംഘം ഇയാളെ പിന്തുടര്‍ന്ന് മഹാരാഷ്‌ട്രയിലെത്തി അറസ്റ്റ് ചെയ്യുകയായിരുന്നു. ഇയാള്‍ ഒറ്റയ്‌ക്കാണ് കവര്‍ച്ച നടത്തിയതെന്നാണ് പോലീസിന്റെ നിഗമനം.
കഴിഞ്ഞമാസം 26-നാണ് ചന്ദ്രനഗറിലെ മരുത റോഡ് സഹകരണ ക്രെഡിറ്റ് സൊസൈറ്റിയില്‍ നിന്ന് ഏഴരക്കിലോ സ്വര്‍ണവും 18,000 രൂപയും മോഷണം പോയത്. തുടര്‍ന്ന് പോലീസിന്റെ പ്രത്യേകസംഘം രൂപവത്കരിച്ച് അന്വേഷണം നടത്തിവരികയായിരുന്നു. കവര്‍ച്ച നടത്തിയ ശേഷം സ്വര്‍ണ്ണമെല്ലാം സത്താറയിലെ വിവിധ വ്യക്തികള്‍ക്ക് നല്‍കിയതായാണ് വിവരം. തൊണ്ടിമുതലിനായുള്ള അന്വേഷണം തുടങ്ങി കഴിഞ്ഞു.
പ്രതികരിക്കാൻ ഇവിടെ എഴുതുക: