മലപ്പുറം: എആര് നഗര് സഹകരണ ബാങ്കിന് പിന്നാലെ മലപ്പുറത്ത് മറ്റൊരു തട്ടിപ്പ് കൂടി. സിപിഎം നിയന്ത്രണത്തിലുള്ള പറപ്പൂര് റൂറല് സഹകരണ സൊസൈറ്റിയിലാണ് എട്ടു കോടി രൂപയുടെ തട്ടിപ്പ് നടന്നത്.
രേഖകളില് കൃത്രിമം കാണിച്ചാണ് മൂന്നു വര്ഷം മുമ്പ് നൂറുകണക്കിനാളുകളുടെ നിക്ഷേപത്തുക തട്ടിയെടുത്തത്. ജീവനക്കാരാണ് പണം തട്ടിയതെന്ന് ഭരണസമിതിയും, ആറ് കോടി ഭരണ സമിതിയുടെ കൊള്ളയാണെന്ന് ജീവനക്കാരും പറയുന്നു. ഇതിനിടെ ബാധ്യത അടയ്ക്കണമെന്നാവശ്യപ്പെട്ട് മലപ്പുറം സഹകരണ ജോയിന്റ് രജിസ്ട്രാര് ജീവനക്കാര്ക്കും ഭരണസമിതി അംഗങ്ങള്ക്കും നോട്ടീസ് നല്കി.
സ്ഥിരനിക്ഷേപത്തിലും നിത്യനിധി നിക്ഷേപത്തിലും കൃത്രിമം കാണിച്ച് നിക്ഷേപകര് അറിയാതെ പണം പിന്വലിച്ചായിരുന്നു തട്ടിപ്പ്. പണയം വച്ച സ്വര്ണാഭരണങ്ങള് ഉടമസ്ഥര് അറിയാതെ എടുത്തുകൊണ്ടുപോയി സ്വകാര്യ പണമിടപാട് സ്ഥാപനങ്ങളില് വലിയ തുകയ്ക്ക് പണയം വച്ചും പണം തട്ടി. നിക്ഷേപകരുടെ പരാതിയില് സഹകരണ വകുപ്പ് അന്വേഷണം നടക്കുന്നുണ്ട്. മൂന്ന് ജീവനക്കാര് സസ്പെന്ഷനിലാണ്. ജീവനക്കാര്ക്കെതിരേ ക്രിമിനല് കേസുമുണ്ട്.
ജന്മഭൂമി ഓണ്ലൈന്