അഞ്ചല്: ബാങ്കിനു മുന്പില് ക്യൂ നിന്നവര്ക്ക് പിഴ ഈടാക്കിയ പോലീസ് നടപടിയെ ചോദ്യം ചെയ്തിന്റെ പേരില് കേസെടുത്ത വിദ്യാര്ത്ഥിനി ഗൗരിനന്ദയെ കാണാന് അപ്രതീക്ഷിതമായി രാജ്യസഭാംഗം സുരേഷ് ഗോപി വീട്ടിലെത്തി.
കാക്കിയിട്ടാല് എന്തുമാകാമെന്ന ധാരണ തെറ്റാണ്. ഗൗരിയെപ്പോലുള്ള പെണ്കുട്ടികള് വളര്ന്നു വന്നാല് ഇനിയൊരു വിസ്മയ ഉണ്ടാകില്ലന്ന് സുരേഷ് ഗോപി പറഞ്ഞു. അനീതി കണ്ടാല് ഇനിയും പ്രതികരിക്കണമെന്നും അദ്ദേഹം ഗൗരിയോട് പറഞ്ഞു.
കേരളത്തിലെ സ്ത്രീകള് സുരക്ഷിതരല്ല. സ്ത്രീ സുരക്ഷ ഉറപ്പാക്കേണ്ട പോലീസില് നിന്നും കേരളത്തിലെ സ്ത്രീകള് നേരിടുന്നതും ദുരനുഭവങ്ങളെന്നും സുരേഷ് ഗോപി കൂട്ടിച്ചേര്ത്തു. അപ്രതീക്ഷിതമായി വെള്ളിത്തിരയിലെ താരം വീട്ടിലെത്തിയതിന്റെ ത്രില്ലിലാണ് ഗൗരി. ശനിയാഴ്ച മൂന്നു മണിയോടെയാണ് സുരേഷ്ഗോപി ചടയമംഗലം അക്കോണത്തുള്ള ഗൗരിയുടെ വീട്ടിലെത്തിയത്.
നേരത്തെ സുരേഷ് ഗോപി ഫോണിലൂടെ ഗൗരിക്ക് പിന്തുണ അറിയിച്ചിരുന്നു.
