മലയാളം ചലച്ചിത്ര രംഗത്ത് അരനൂറ്റാണ്ട് തികച്ച പ്രിയ നടന്‍ മമ്മൂട്ടിക്ക് ആശംസകള്‍ നേര്‍ന്ന് മോഹന്‍ലാല്‍. മറക്കാനാവാത്ത 55 സിനിമകളില്‍ അദ്ദേഹത്തിനൊപ്പം അഭിനയിച്ചു. മമ്മൂട്ടിക്കൊപ്പം സ്‌ക്രീന്‍ പങ്കിടാന്‍ അവസരം ലഭിച്ചതില്‍ അഭിമാനമാണെന്നും മോഹന്‍ലാല്‍ ഫേസ്ബുക്കുലൂടെ അറിയിച്ചു.
മമ്മൂട്ടിയെ ആലിംഗനം ചെയ്ത് ഉമ്മ വയ്‌ക്കുന്ന ചിത്രം പങ്കുവച്ചായിരുന്നു മോഹന്‍ലാലിന്റെ ആശംസ നേര്‍ന്നത്. ഇന്ന് എന്റെ സഹോദരന്‍ സിനിമ ഇന്‍ഡസ്ട്രിയില്‍ അഭിനയം ആരംഭിച്ച് മഹത്തായ അന്‍പത് വര്‍ഷങ്ങള്‍ പിന്നിടുകയാണ്. ഇനിയും മുന്നോട്ട് അനേകം സിനിമകളില്‍ ഒന്നിക്കണം. ആശംസകള്‍ ഇച്ചാക്ക. എന്നായിരുന്നു മോഹന്‍ലാലിന്റെ ആശംസ.
മോഹന്‍ലാലിന് പിന്നാലെ നിരവധി ആരാധകരും മമ്മൂട്ടിക്ക് ആശംസ നേര്‍ന്നിട്ടുണ്ട്. മോഹന്‍ലാലിന്റെ ആശംസയ്‌ക്ക് മമ്മൂട്ടി തിരിച്ച് നന്ദി അറിയിച്ചിട്ടുണ്ട്. താങ്ക് യു ഡിയര്‍ ലാല്‍ എന്നാണ് മോഹന്‍ലാലിന്റെ പോസ്റ്റിന് താഴെ മമ്മൂട്ടി കുറിച്ചത്.
പ്രതികരിക്കാൻ ഇവിടെ എഴുതുക: