കോട്ടയം: വായ്പ എടുത്തതിന്റെ പേരില്‍ കോട്ടയം അര്‍ബന്‍ കോ- ഓപ്പറേറ്റീവ്ബാങ്ക് അധികൃതര്‍ നിരന്തരം ഭീഷണിപ്പെടുത്തിയതില്‍ മനംനൊന്ത് മൂലവട്ടത്തെ നിസാര്‍, നസീര്‍ സഹോരങ്ങള്‍ ആത്മഹത്യ ചെയ്ത സംഭവത്തില്‍ പ്രതിഷേധിച്ച് ബാങ്കിന്റെ മണിപ്പുഴ ബ്രാഞ്ചിലേക്ക് ബിജെപി മാര്‍ച്ച് നടത്തി.
മധ്യമേഖലാ സെക്രട്ടറി ടി.എന്‍. ഹരികുമാര്‍ ഉദ്ഘാടനം ചെയ്തു. കുറ്റക്കാരായ ബാങ്ക് ജീവനക്കാര്‍ക്കെതിരെ നടപടി വേണമെന്നും മരണമടഞ്ഞ സഹോദരങ്ങളുടെ മാതാവിനെ പുനരധിവസിപ്പിക്കണമെന്നും കൊവിഡ് കാലത്ത് ജപ്തി നടപടികള്‍ നിര്‍ത്തിവയ്‌ക്കണമെന്നും പ്രതിഷേധ മാര്‍ച്ച് ഉദ്ഘാടനം ചെയ്തുകൊണ്ട് ഹരികുമാര്‍ പറഞ്ഞു. നാട്ടകം മേഖലാ പ്രസിഡന്റ് ഷാജി തൈച്ചിറ അധ്യക്ഷനായി.
ജില്ലാ വൈസ് പ്രസിഡന്റ് കെ.പി. ഭുവനേഷ്, സംസ്ഥാന കൗണ്‍സില്‍ അംഗം സി.എന്‍. സുബാഷ്, കര്‍ഷക മോര്‍ച്ച ജില്ലാ ജനറല്‍ സെക്രട്ടറി നന്ദന്‍ നട്ടാശ്ശേരി, നിയോജക മണ്ഡലം ജനറല്‍ സെക്രട്ടറിമാരായ വി.പി. മുകേഷ്, കെ. ശങ്കരന്‍, നിയോജകമണ്ഡലം വൈസ് പ്രസിഡന്റ് ടി.ടി. സന്തോഷ്, കര്‍ഷകമോര്‍ച്ച മീഡിയാ കണ്‍വീനര്‍ ഹരി കിഴക്കേക്കുറ്റ്, മേഖലാ ജനല്‍ സെക്രട്ടറി കെ.യു. രഘു, സെക്രട്ടറി സനു. കെ.എസ്, പ്രവീണ്‍ ദിവാകരന്‍, വിജി ഗോപാല്‍, സന്താഷ്, ജീബീഷ്, അനിയച്ചന്‍ തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: