കൊച്ചി: കൊച്ചിയില്‍ ചേര്‍ന്ന ഐഎന്‍എല്‍ സംസ്ഥാന സെക്രട്ടറി യോഗത്തില്‍ നേതാക്കള്‍ തമ്മില്‍ കയ്യാങ്കളി. പിഎസ്‌സി സീറ്റ് വില്‍പ്പനയുമായി ബന്ധപ്പെട്ട് പാര്‍ട്ടിയില്‍ നിലനിന്നിരുന്ന തര്‍ക്കങ്ങളെ ചൊല്ലിയായിരുന്നു ഏറ്റുമുട്ടല്‍. തമ്മിലടി യോഗം നടന്ന ഹോട്ടലിന് പുറത്തെ റോഡിലേയ്‌ക്ക് വരെ നീണ്ടു. തുടര്‍ന്ന് യോഗത്തില്‍നിന്നും സംസ്ഥാന പ്രസിഡന്റ് എ.പി. അബ്ദുല്‍ വഹാബ് ഇറങ്ങിപ്പോയി.
മന്ത്രി അഹമ്മദ് ദേവര്‍കോവില്‍ ഉള്‍പ്പെടെ പങ്കെടുത്ത യോഗത്തിലാണ് കയ്യാങ്കളി നടന്നത്. പിഎസ്‌സി സീറ്റു വില്‍പ്പന വിഷയത്തില്‍ യോഗത്തില്‍ പ്രതിഷേധമുണ്ടാകുമെന്ന് നേരത്തേ തന്നെ ഉറപ്പാക്കിയിരുന്നു. എന്നാല്‍ കയ്യാങ്കളിയിലേയ്‌ക്ക് നീങ്ങുമെന്ന് ആരും പ്രതീക്ഷിച്ചിരുന്നില്ല. അടി പോതു നിരത്തിലേയ്‌ക്ക് നീണ്ടപ്പോള്‍ പോലീസ് എത്തി ആള്‍ക്കാരെ പിരിച്ചുവിടുകയായിരുന്നു.
കൊവിഡ് പ്രോട്ടോകക്കോള്‍ ലംഘിച്ചതിന് ഹോട്ടലിനെതിരെ കേസെടുക്കുമെന്ന് പോലീസ് വ്യക്തമാക്കി.
പിഎസ്‌സി സീറ്റു വില്‍പ്പനയുമായി ബന്ധപ്പെട്ട് നടന്ന വെളിപ്പെടുത്തലുകള്‍ ഐഎന്‍എല്‍ നേതൃത്വത്തെ പ്രതിക്കൂട്ടിലാക്കിയിരുന്നു. പാര്‍ട്ടിയിലെ ഒരു വിഭാഗം വിഷയത്തില്‍ പാര്‍ട്ടി സംസ്ഥാന സെക്രട്ടറി കാസിം ഇരിക്കൂറിനെതിരെ വിമത വിഭാഗം പരസ്യ പ്രതികരണങ്ങള്‍ നടത്തിയിരുന്നു.
പ്രതികരിക്കാൻ ഇവിടെ എഴുതുക: