ഇടുക്കി: വടക്ക് പടിഞ്ഞാറന് ബംഗാള് ഉള്ക്കടലില് ന്യൂനമര്ദം രൂപമെടുത്തു. കേന്ദ്ര കാലാവസ്ഥ നിരീക്ഷണ കേന്ദ്രം ഇന്ന് അഞ്ച് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ഇടുക്കി, എറണാകുളം, കോഴിക്കോട്, വയാനാട്, കണ്ണൂര് ജില്ലകളിലാണ് മുന്നറിയിപ്പുള്ളത്. ഇവിടെ ഒറ്റപ്പെട്ട സ്ഥലങ്ങളില് ശക്തമായ മഴയും അതി ശക്തമായ മഴയും ലഭിക്കും. മറ്റ് ജില്ലകളിലെല്ലാം യെല്ലോ അലര്ട്ടാണ്.
നാളെ വടക്കന് ജില്ലകളിലാണ് കൂടുതല് ശക്തമായ മഴ സാധ്യതയുള്ളത്. തുടര്ച്ചയായി മഴ എത്തുന്നതിനാല് തീരദേശ-മലയോര മേഖലകള്, ഉരുള്പൊട്ടല് സാധ്യത പ്രദേശങ്ങള് തുടങ്ങിയ ഇടങ്ങളില് കൂടുതല് ജാഗ്രത പുലര്ത്തണം.
26-ാം തിയതി വരെ കേരള തീരത്തും അറബിക്കടലിലും 40-50 കി. മീറ്റര് വരെ വേഗത്തില് കാറ്റടിക്കാന് സാധ്യതയുള്ളതിനാല് മത്സ്യ ബന്ധനത്തിന് പോകുന്നത് നിരോധിച്ചു. കേന്ദ്ര സമുദ്ര ഗവേഷണ കേന്ദ്രമാണ് ഇത് സംബന്ധിച്ച മുന്നറിയിപ്പ് നല്കിയത്.
24-ാം തിയതി വരെ വിഴിഞ്ഞം മുതല് കാസര്ഗോഡ് വരെയുള്ള തീരത്ത് 2.5-4 മീറ്റര് വരെ തിരമാല ഉയരാനും സാധ്യതയുണ്ട്.
