ന്യൂദല്‍ഹി: ടോക്കിയോ ഒളിമ്പിക്‌സിന്റെ ഉദ്ഘാടന പരിപാടി ഇന്ന് നടക്കാനിരിക്കെ ഇന്ത്യന്‍ നിരയില്‍ 22 അത്‌ലറ്റുകളും ആറ് സ്റ്റാഫ് അംഗങ്ങളും മാര്‍ച്ച് പാസ്റ്റില്‍ പങ്കെടുക്കും. ഇന്ത്യന്‍ ഒളിമ്പിക്‌സ് അസോസിയേഷനാണ് ഇക്കാര്യം വ്യക്തമാക്കിയത്. ആറ് തവണ ലോക ചാമ്പ്യനായ ബോക്‌സര്‍ മേരി കോമാണ് ഇന്ത്യയുടെ പതാകയേന്തുന്നത്.
താരങ്ങളുടെ മത്സരക്രമവും സമയവും കണക്കിലെടുത്താണ് തീരുമാനം. ഹോക്കിയില്‍ പുരുഷ വനിതാ ടീമുകളുടെ മത്സരം നാളെ തുടങ്ങുന്നതിനാല്‍ താരങ്ങള്‍ ഉണ്ടാകില്ല. എന്നാല്‍ പുരുഷ ടീമിന്റെ നായകന്‍ മന്‍പ്രീത് സിങ് ഉദ്ഘാടന ചടങ്ങില്‍ പങ്കെടുക്കും. ഹോക്കി, ജിംനാസ്റ്റിക്‌സ്, നീന്തല്‍, ഫെന്‍സിങ് ഇനങ്ങളില്‍ നിന്ന് ഓരോ താരങ്ങളും റോവിങ്ങിലെ രണ്ട് പേരും ടേബിള്‍ ടെന്നീസ്, സെയിലിങ് നാല് പേരും ബോക്‌സിങ്ങിലെ എട്ട് പേരും ഉദ്ഘാടന ചടങ്ങില്‍ പങ്കെടുക്കും.
ഇന്ത്യയുടെ അത്‌ലറ്റിക്‌സ് ടീം ഇന്ന് ടോക്കിയോയിലെത്തും.
പ്രതികരിക്കാൻ ഇവിടെ എഴുതുക: