തിരുവനന്തപുരം: കുണ്ടറ പീഡന പരാതി ഒത്തുതീർപ്പാക്കാൻ ശ്രമിച്ച സംഭവത്തിൽ മന്ത്രി എ കെ ശശീന്ദ്രനെതിരെ ട്രോളുമായി സ്വതന്ത്രരാഷ്‌ട്രീയ നിരീക്ഷകന്‍ ശ്രീജിത്ത് പണിക്കർ.
പിണറായി ഒന്നാം മന്ത്രിസഭയില്‍ ശശീന്ദ്രന് മന്ത്രിസ്ഥാനം രാജിവെക്കേണ്ടിവന്ന പഴയ പൂച്ചക്കുട്ടി പ്രയോഗത്തെ ഓര്‍മ്മിപ്പിച്ചുകൊണ്ടാണ് ട്രോള്‍.
പൂച്ചക്കൂട്ടി റിട്ടേണ്‍സ് എന്ന ടാഗില്‍ ഒരു സംസ്കൃത ശ്ലോകത്തിന്റെ രൂപത്തിലാണ് ട്രോള്‍.
മാർജാരമോഹ സമ്മേളിതം
പരാതി പരിഹാരം സത്വരം
‘നല്ലരീതിയിൽ തീർക്കണം’
#പൂച്ചക്കുട്ടി_റിട്ടേൺസ്‘ – ഇതാണ് ശ്രീജിത്ത് പണിക്കരുടെ ഫേസ്ബുക്ക് പോസ്റ്റ്.
ശശീന്ദ്രന്റെ രാജിക്കായി യുവമോര്‍ച്ച ശക്തമായ പ്രതിഷേധത്തിലാണ്. കോണ്‍ഗ്രസും ശശീന്ദ്രന്റെ രാജി നിയമസഭയില്‍ ആവശ്യപ്പെട്ടു. അതേ സമയം ശശീന്ദ്രന് ഇരയെ പീഡിപ്പിച്ചിട്ടില്ലെന്ന വിവാദവാദവുമായി മുഖ്യമന്ത്രി ശശീന്ദ്രനെ സംരക്ഷിക്കാന്‍ ശ്രമിക്കുകയാണ്.
പ്രതികരിക്കാൻ ഇവിടെ എഴുതുക: