ബാലിയ: ഉത്തര്‍പ്രദേശില്‍ ഹിന്ദുവെന്ന് അവകാശപ്പെട്ട് പ്രണയിച്ചശേഷം യുവതിയെ മാനഭംഗത്തിനിരയാക്കിയ മുസ്ലിം യുവാവിനെ അറസ്റ്റ് ചെയ്തു. കൊത്‌വാലിയിലെ ബാലിയ നഗരത്തിലുള്ള 24-കാരനായ പ്രതിക്കെതിരെ 22 വയസുള്ള പെണ്‍കുട്ടി പൊലീസില്‍ പരാതിപ്പെടുകയായിരുന്നു. ഹിന്ദുവല്ലെന്ന് തിരിച്ചറിഞ്ഞതോടെ ഒഴിവാക്കാന്‍ ആരംഭിച്ചതോടെ പ്രതി കൊല്ലുമെന്ന് ഭീഷണിപ്പെടുത്തിയെന്ന് പരാതിയില്‍ പറയുന്നു.
വിവാഹ വാഗ്ദാനം നല്‍കി മുസ്ലിം യുവാവ് ശാരീരിക ബന്ധത്തിന് പ്രേരിപ്പിച്ചുവെന്നും ഒരുവര്‍ഷത്തോളം ഇത് തുടര്‍ന്നുവെന്നും പരാതിയില്‍ ആരോപിക്കുന്നതായി കൊത്‌വാലി ബാലിയ സിറ്റി സീനിയര്‍ സബ് ഇന്‍സ്‌പെക്ടര്‍ ഓം പ്രകാശ് പാണ്ഡെ പറഞ്ഞു.
ബലാത്സംഗത്തിനും ഭീഷണിപ്പെടുത്തിയതിനും യഥാക്രമം ഇന്ത്യന്‍ ശിക്ഷാനിയമം 376, 506 എന്നീ വകുപ്പുകള്‍ പ്രകാരം കേസ് രജിസ്റ്റര്‍ ചെയ്തുവെന്നും സീനിയര്‍ സബ് ഇന്‍സ്‌പെക്ടര്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: