ആഗ്രഹങ്ങളും സ്വപ്‌നങ്ങളും ഉള്ള കുട്ടിയുടെ ഫാന്റസി കഥയുമായി എത്തിയിരിക്കുകയാണ് ‘ഫാന്റസീസ് ഓഫ് കുഞ്ഞൂട്ടന്‍’ എന്ന ഷോര്‍ട്ട് ഫിലിം. ഈ ചിത്രത്തിന്റെ മറ്റൊരു പ്രത്യേകതയാണ് ഇതിന്റെ ഓപ്പണ്‍ എന്‍ഡിങ് ആയിട്ടുള്ള ക്ലൈമാക്‌സാണ്.
ആല്‍ഫ ക്രീയേറ്റീവ്‌സിന്റെ ബാനറില്‍ ജോസഫ് മത്തായി നിര്‍മിച്ച് അജ്മല്‍ ഷാജി സംവിധാനം ചെയ്യുന്ന ഫിലിം, കുഞ്ഞുട്ടന്‍ എന്ന ആറാം ക്ലാസ്സുകാരന്റെ കൊച്ചു കൊച്ചു ആഗ്രഹങ്ങളെയും സ്വപ്‌നങ്ങളെയും കുറിച്ചാണ് പറയുന്നത്. പ്രധാന കഥാപാത്രമായ കുഞ്ഞൂട്ടനെ അവതരിപ്പിച്ചിരിക്കുന്നത് ബാലതാരം മാഹീന്‍ (തീവണ്ടി, ചില്‍ഡ്രന്‍ ഓഫ് ഹെവന്‍ തമിഴ് റീമേക്ക് അക്ക കുരുവി) ആണ്.
നന്ദന്‍ രാജേഷ്, സൃദ, മൃദുല മേനോന്‍, വര്‍ഷ എന്നിവരാണ് മറ്റു അഭിനേതാക്കള്‍. കൂത്താട്ടുകുളത്തും പരിസര പ്രദേശങ്ങളിലുമായി ചിത്രീകരിച്ച ഈ ഷോര്‍ട്ട് ഫിലിമിന്റെ ഛായാഗ്രഹണം നിര്‍വഹിച്ചിരിക്കുന്നത് സംഗീത് സിലീനനാണ്. എഡിറ്റിങ്- നബു ഉസ്മാന്‍, സംഗീതം-കിഷന്‍ മോഹന്‍(സപ്താ റെക്കോര്‍ഡ്‌സ്), സൗണ്ട് ഡിസൈന്‍-മണികണ്ഠന്‍.
സ്ഥിരം ഷോര്‍ട്ട് ഫിലിമുകളില്‍ നിന്ന് വേറിട്ടു നില്‍ക്കുന്ന ഒരു രീതിയിലാണ് ഈ കുഞ്ഞ് സിനിമ ചിത്രീകരിച്ചിട്ടുള്ളത്. കുഞ്ഞൂട്ടന്റെ പ്രണയവും പേടിയും സൗഹൃദവും പിന്നെ അവന്റെ കൊച്ചു കൊച്ചു ശീലങ്ങളും. ഇതിനെല്ലാം പുറമെ അവന്റെ ദിവാസ്വപ്‌നങ്ങളാണ് ഈ സിനിമ നിങ്ങളെ കാണിക്കുന്നത്.
പ്രതികരിക്കാൻ ഇവിടെ എഴുതുക: