ചെന്നൈ: മത്സ്യ തൊഴിലാളിയുടെ ചുമലില്‍ കയറിയ തമിഴ്‌നാട് ഫിഷറീസ് മന്ത്രിക്കെതിരെ പ്രതിഷേധം. ബോട്ട് യാത്രയ്‌ക്ക് ശേഷം കരയിലേക്ക് പോകാനായാണ് മന്ത്രി അനിത ആര്‍ രാധാകൃഷ്ണന്‍ മത്സ്യ തൊഴിലാളിയുടെ ചുമലിലേറിയത്. വീഡിയോ വൈറലായതോടെ സംഭവം വിവാദമാകുകയായിരുന്നു.
തമിഴ്‌നാട്ടിലെ തിരുവള്ളൂര്‍ ജില്ലയില്‍ വ്യാഴാഴ്ചാണ് സംഭവം നടന്നത്. ബോട്ട് യാത്രയ്‌ക്ക് ശേഷം കരയിലെത്താന്‍ കുറച്ചുദൂരം വെള്ളത്തിലൂടെ നടക്കേണ്ടതായിവന്നു. ഇതിന് വിസമ്മതിച്ച മന്ത്രി മത്സ്യ തൊഴിലാളിയുടെ ചുമലിലേറി കരയിലേയ്‌ക്ക് എത്തുകയായിരുന്നുവെന്ന് വീഡിയോ പങ്കുവെച്ചുകൊണ്ട് തമിഴ്മാധ്യമങ്ങള്‍ റിപ്പോര്‍ട്ട് ചെയ്തു.
സംഭവം വിവാദമായതോടെ മന്ത്രി പ്രതികരണവുമായി രംഗത്തെത്തി. തന്നോട് സ്‌നേഹമുള്ള മത്സ്യതൊഴിലാളി അത് പ്രകടിപ്പിച്ചതാണെന്നായിരുന്നു നിത ആര്‍ രാധാകൃഷ്ണന്റെ പ്രതികരണം.
പ്രതികരിക്കാൻ ഇവിടെ എഴുതുക: