അഹമ്മദാബാദ്: വാറ്റിവെച്ചിരുന്ന മദ്യം കുടിച്ച് പോത്തുകള്ക്ക് മത്തുപിടിച്ചതോടെ ഉടമസ്ഥര് പോലീസിന്റെ പിടിയില്. ഗുജറാത്തിലെ അഹമ്മദാബാദിലെ ഗ്രാമത്തിലാണ് സംഭവം. പോത്തുകളുടെ വിചിത്രമായ പെരുമാറ്റം കണ്ട് സംഭവം മനസ്സിലാക്കിയ മൃഗഡോക്ടര് പോലീസില് വിവരം അറിയിച്ചു. തുടര്ന്ന് നടന്ന അന്വേഷണത്തിലാണ് മദ്യം വാറ്റി സൂക്ഷിച്ചിരുന്ന ഉടമസ്ഥര് പിടിയിലായത്.
പോത്തുകള് പ്രത്യേകതരം ആക്ഷനുകള് പ്രകടിപ്പിച്ചതോടെ മൃഗഡോക്ടര് എത്തി പരിശോധിക്കുകയായിരുന്നു. രോഗങ്ങള് ഒന്നുംതന്നെ ഇല്ലായെന്ന് സ്ഥിരീകരിച്ചതോടെ കഴിച്ച ആഹാരവും വെള്ളവും പരിശോധിച്ചു. തുടര്ന്നാണ് പോത്തുകള് മദ്യം കുടിച്ചതായി കണ്ടെത്തിയത്. വിവരം പോലീസിനെ അറിയിക്കുകയും തുര്ന്ന നടന്ന അന്വേഷണത്തില് വാറ്റിന്റെ അവകാശികള് പോത്തിന്റെ ഉടമസ്ഥരാണെന്ന് തെളിഞ്ഞു.
1960 ല് രൂപീകരിച്ചമുതല് തന്നെ മദ്യനിരോധനം ഏര്പ്പെടുത്തിയിട്ടുള്ള സംസ്ഥാനമാണ് ഗുജറാത്ത്. അനധികൃതമായി മദ്യം നിര്മ്മിക്കുന്നതിന് വധശിക്ഷ നല്കാന് നിയമം നടപ്പിലാക്കിയിട്ടുള്ള ഏക ഇന്ത്യന് സംസ്ഥാനമാണ് ഗുജറാത്ത് .
