പാലാ: ആരാധനാലയങ്ങള് നിര്മ്മിക്കാന് തദ്ദേശ സ്വയംഭരണ സ്ഥാപനങ്ങള് അനുമതി നല്കുന്നത് മോസ്കുകള് പെരുകുന്നതിന് കാരണമാകുമെന്ന് പാലാ രൂപത കീഴിലുള്ള യുവജന സംഘടന. ഈ നിയമം നടപ്പിലായാല് ശരീഅത്ത് നിയമങ്ങള് വരാന് ഇടയാക്കും.
കേരളത്തിലെ ക്രിസ്ത്യന് ഭൂരിപക്ഷമുള്ള സ്ഥലങ്ങളില് ഓരോ മോസ്ക് വീതം ഉണ്ടാക്കാനുള്ള പ്ലാനിങ് ഇപ്പോഴേ തുടങ്ങിയിട്ടുണ്ട്. അധികാരം തദ്ദേശ സ്ഥാപനങ്ങള്ക്ക് ലഭിച്ചതോടെ മോസ്കുകള് പണിയാന് വളരെ വേഗം അനുവാദം ലഭിക്കും. മോസ്കുകള്ക്ക് അനുവാദം കൊടുത്താന് സൗദി അറേബ്യ പോലെ മുട്ടിനു മുട്ടിന് പള്ളികള് കൊണ്ട് നിറയും. അല്ലാഹുവാണ് ദൈവമെന്നുള്ള കൊരവള്ളി പൊട്ടിച്ചുള്ള പറച്ചില് കേട്ട് ഉണരേണ്ടി വരും.
മോസ്കുകള്ക്ക് മാറ്റം വരുന്നതോടെ തുലുക്കന്മാര് വന്നു തുടങ്ങും. സാധനങ്ങള് വിലക്കുറച്ച് വിറ്റ് മറ്റ് മതക്കാര്ക്ക് പണി കൊടുക്കും. പതിയെ ഹിന്ദു ക്രിസ്ത്യന് കച്ചവടം പൂട്ടും. അങ്ങനെ ആ പ്രദേശം ഇസ്ലാം ഡൊമിനേറ്റഡ് പ്രദേശമാകും. അങ്ങനെ ആ സ്ഥലത്ത് ശരീഅത്ത് നിയമങ്ങള് വന്നു തുടങ്ങും. ഹിന്ദു ക്രിസ്ത്യന് പെണ്കുട്ടികള് നിരന്തരം തട്ടിക്കൊണ്ടു പോകലിനും മതം മാറ്റലിനും വിധേയമാകുമെന്ന് പാലാ രൂപതയുടെ യുവജന സംഘടനയുടെ ഔദ്യോഗിക വാട്സാപ് ഗ്രൂപ്പില് നടന്ന ചര്ച്ചയില് പറയുന്നു. വൈദികനായ സിറില് തയ്യിലിന്റെ നേതൃത്വത്തിലുള്ള വാട്സാപ്പ് ഗ്രൂപ്പിലാണ് ഇത്തരമൊരു മുന്നറിയിപ്പ് നല്കിയിരിക്കുന്നത്. വാങ്ക് വിളി മലയാളത്തിലാക്കിയാല് കേരളത്തിലെ എല്ലാ മതേതര ആളുകളും കണ്ണു തുറക്കുമായിരിക്കുമെന്നും ഗ്രൂപ്പില് നടന്ന ചര്ച്ചയില് പറയുന്നു.
പാലാ രൂപതയിലെ എസ്എംവൈഎം-കെസിവൈഎം ഗ്രൂപ്പാണിതെന്നാണ് ഗ്രൂപ്പിന്റെ അഡ്മിനായ ഫാ സിറില് തയ്യില് വ്യക്തമാക്കിയത്. യുവാക്കള് ഈശോയോടും അവന്റെ സഭയോടും ചേര്ന്നു നില്ക്കണം എന്ന ലക്ഷ്യത്തോടെയാണ് ഗ്രൂപ്പ് ഉണ്ടാക്കിയതെന്നും വൈദികന് പറയുന്നു. തങ്ങള് ഗ്രൂപ്പിലൂടെ ഒരു മുന്നറിയപ്പാണ് നല്കിയതെന്നും അദേഹം വ്യക്തമാക്കുന്നു.
