മലപ്പുറം: കരിപ്പൂര് സ്വര്ണ്ണക്കടത്തുമായി ബന്ധപ്പെട്ട് തട്ടിക്കൊണ്ടുപോകലും ലഗേജ് കവര്ച്ചയും. രാമനാട്ടുകര അപകടം നടന്ന ദിവസം കൊടുവള്ളി സംഘംഗങ്ങള് കരിപ്പൂരിലെത്തിയ ഒരു യാത്രക്കാരനെ തട്ടിക്കൊണ്ടു പോയി ലഗേജ്, മൊബൈല് ഫോണ് എന്നിവ കവര്ന്നതായി പരാതി. കൊടുവള്ളി സംഘത്തെ നിയന്ത്രിച്ചിരുന്ന സൂഫിയാന്റെ സഹോദരന് ഫിജാസും, ഷിഹാബും മറ്റ് രണ്ടുപേരുമാണ് പാലക്കാട് സ്വദേശിയെ തട്ടിക്കൊണ്ടുപോയി മര്ദിച്ച് ലഗേജ് കവര്ന്നത്. ഇതില് ഫിജാസും, ഷിഹാബും റിമാന്ഡിലാണ്. മറ്റ് രണ്ടുപേര്ക്കായി പോലീസ് തിരച്ചില് ആരംഭിച്ചിട്ടുണ്ട്.
രാമനാട്ടുകരയില് അപകടം നടന്ന ദിവസം തന്നെയാണ് തട്ടിക്കൊണ്ടുപോകലും ഉണ്ടായത്. കൊടുവള്ളി സംഘത്തിന്റെ സ്വര്ണം തുടര്ച്ചയായി അര്ജുന് ആയങ്കി അടക്കമുളള ക്വട്ടേഷന് സംഘം തട്ടിയെടുക്കുന്നത് പതിവായിരുന്നു. ഇവര്ക്കുള്ള തിരിച്ചടിയായാണ് ഈ തട്ടിക്കൊണ്ടുപോകലെന്നാണ് സൂചന. പരാതിക്കാരനും സ്വര്ണ്ണക്കടത്തുമായി ബന്ധമുണ്ടായിരുന്നെന്ന് പോലീസിന് വിവരം ലഭിച്ചിട്ടുണ്ട്.
ജന്മഭൂമി ഓണ്ലൈന്