കൊച്ചി:വിദേശത്ത് ജോലി വാഗ്ദാനം ചെയ്ത് ഒന്നര ലക്ഷം തട്ടിയെന്ന പരാതിയില് കൊല്ലം പട്ടാഴി സ്വദേശി ജസ്റ്റിന് ജെയിംസിനെതിരെ (32) പനങ്ങാട് പോലീസ് കേസെടുത്തു. കോട്ടയം രാമപുരം സ്വദേശിയാണ് തട്ടിപ്പിന് ഇരയായത്. നിരവധി ഉദ്യോഗാര്ഥികളില് നിന്ന് ലക്ഷങ്ങള് തട്ടിയ കേസില് റിമാന്ഡിലാണ് ജസ്റ്റിന്.
ഒഎല്എക്സ് വഴി പരസ്യം നല്കിയാണ് ഇയാള് രാമപുരം സ്വദേശിയെ കുടുക്കിയത്. ഇംഗ്ലണ്ടിലെ സബ്സി 7എന്ന് സ്ഥാപനത്തിലാണ് ജോലി വാഗ്ദാനം ചെയ്തത്. ഏപ്രില് 28നാണ് നൂറോളം ഉദ്യോഗാര്ഥികളുടെ പരാതിയില് ജസ്റ്റിനെ മുളവുകാട് പോലീസ് അറസ്റ്റ് ചെയ്തത്. സിംഗപ്പൂര്, മലേഷ്യ എന്നീ രാജ്യങ്ങളില് ഫയര് ആന്ഡ് സേഫ്റ്റി ജോലി തരപ്പെടുത്തി നല്കാമെന്ന് വാഗ്ദാനം ചെയ്താണ് ഇയാള് പണം തട്ടിയത്. മുളവുകാട് സ്റ്റേഷന് പരിധിയില് നിന്ന് മാത്രമായി 10 ലക്ഷം രൂപയോളം രൂപ തട്ടിയെടുത്തിട്ടുണ്ട്. വിവിധ ജില്ലകളില് നിന്നായി അരക്കോടിയോളം രൂപ തട്ടിയതായാണ് പ്രാഥമിക നിഗമനം.
