മഞ്ചേരി : റിമാന്‍ഡില്‍ കഴിയുന്ന ദൃശ്യ കൊലക്കേസ് പ്രതി വിനീഷ് ആത്മഹത്യയ്ക്ക് ശ്രമിച്ചു. സബ്ജയിലില്‍ വെച്ച് കൊതുകുതിരി കഴിച്ച് ആത്മഹത്യ ചെയ്യാന്‍ ശ്രമിക്കുകയായിരുന്നു. ഉടന്‍ ആശുപത്രിയില്‍ പ്രവേശിപ്പിച്ച വിനീഷിന്റെ ആരോഗ്യസ്ഥിതി ഇപ്പോള്‍ തൃപ്തികരമാണ്.
കോടതി റിമാന്‍ഡ് ചെയ്ത വിനീഷിനെ മഞ്ചേരി ജയിലിലാണ് താമസിപ്പിച്ചത്. രാത്രിയോടെ ഇയാള്‍ സെല്ലിനകത്തുവെച്ച് കൊതുകുതിരി കഴിച്ച് ആത്മഹത്യക്ക് ശ്രമിക്കുകയായിരുന്നു. തുടര്‍ന്ന് വിനീഷ് ഛര്‍ദ്ദിക്കുന്നത് കണ്ട ജയിലധികൃതര്‍ ഇയാളെ ഉടന്‍ തന്നെ മഞ്ചേരി മെഡിക്കല്‍ കോളേജില്‍ എത്തിച്ചു.
ദൃശ്യയെ കൊലപ്പെടുത്തിയ കേസില്‍ ഇയാളെ ഇന്ന് കസ്റ്റഡിയില്‍ വാങ്ങി തെളിവെടുപ്പ് നടത്താനിരിക്കേയാണ് ആത്മഹത്യയ്ക്ക് ശ്രമിച്ചത്. പിടിയിലായ അന്നുമുതല്‍ ഇയാള്‍ ആത്മഹത്യാ പ്രവണത കാണിച്ചിരുന്നതായി പോലീസ് പറയുന്നു. അന്നുമുതല്‍ ഇയാള്‍ക്ക് സ്റ്റേഷനില്‍ പ്രത്യേക സുരക്ഷ ഏര്‍പ്പെടുത്തിയിരിക്കുകയായിരുന്നു. എന്നാല്‍ ജയിലിലെത്തിയ ഇയാള്‍ കാവല്‍ക്കാരുടെ കണ്ണുവെട്ടിച്ച് സെല്ലിനുളളില്‍ ഉണ്ടായിരുന്ന കൊതുകുതിരി കഴിച്ച് ആത്മഹത്യയ്ക്ക് ശ്രമിക്കുകയായിരുന്നു.
പെരുന്തല്‍മണ്ണ സ്വദേശിയ ദൃശ്യയെ കുത്തിക്കൊലപ്പെടുത്തുന്നതിന് മുമ്പേ ദൃശ്യയുടെ പിതാവിന്റെ കട വിനീഷ് കത്തിച്ചിരുന്നു. ദൃശ്യയുടെ സഹോദരിയേയും ഇയാള്‍ കുത്തി പരിക്കേല്‍പ്പിച്ചിരുന്നു.
പ്രതികരിക്കാൻ ഇവിടെ എഴുതുക: