കോട്ടയം: ട്രെയിനിന്റെ അടിയില്‍ കയറിക്കിടന്ന് യുവാവ് പാരാക്രമം നടത്തിയതിനെ തുടര്‍ന്ന് പ്രദേശത്ത് കൂടിയുള്ള ട്രെയിന്‍ ഗതാഗതം തടസ്സപ്പെട്ടു. കോട്ടയം പാറമ്പുഴ സ്വദേശിയായ 47 കാരനാണ് പരിഭ്രാന്തി സൃഷ്ടിച്ചത്. വെള്ളിയാഴ്ച കോതനല്ലൂര്‍ റെയില്‍വേ ക്രോസ്സിലൂടെ പാലരുവി എക്സ്പ്രസ് കടന്നു പോകുന്നതിനിടെയാണ് സംഭവം.
പാലരുവി എക്സ്പ്രസ് റെയില്‍വേ ക്രോസിന് സമീപം ട്രെയിന്‍ വേഗത കുറച്ചപ്പോള്‍ യുവാവ് ട്രാക്കില്‍ കയറി നിന്ന് കൈവീശി കാണിച്ച് ട്രെയിന്‍ നിര്‍ത്തിച്ചു. തുടര്‍ന്ന് ബോഗിക്കടിയിലേക്ക് കയറി പാളത്തില്‍ കിടന്നു. ഉടന്‍തന്നെ നാട്ടുകാരും ഇയാളുടെ ബന്ധുക്കളും ഓടിയെത്തി യുവാവിനെ പുറത്തെത്തിക്കാന്‍ ശ്രമിച്ചെങ്കിലും നടന്നില്ല.
പിന്നീട് അഗ്നിശമനസേനയും കടുത്തുരുത്തി പോലീസും സ്ഥലത്തെത്തി ഇയാളെ പുറത്തെത്തിക്കുകയായിരുന്നു. യുവാവിന് മാനസിക വിഭ്രാന്തിയുള്ളതായും പറയുന്നുണ്ട്. പിന്നീട് ഇയാളെ കോട്ടയം മെഡിക്കല്‍ കോളേജിലേക്ക് മാറ്റി. തുടര്‍ന്ന് അരമണിക്കൂറിന് ശേഷമാണ് ട്രെയിന്‍ ഗതാഗതം പുനരാരംഭിക്കാനായത്.
പ്രതികരിക്കാൻ ഇവിടെ എഴുതുക: