ന്യൂഡല്‍ഹി: ജൂണ്‍ 15 ലെ കണക്കുകള്‍ പ്രകാരം , 2021-22 സാമ്പത്തിക വര്ഷം, റീഫണ്ടിനു ശേഷമുള്ള പ്രത്യക്ഷ നികുതിയായി ലഭിച്ചത് 1,85,871 കോടി രൂപയാണ്. മുന്‍ വര്ഷം ഇതേ കാലയളവില്‍ ഇത് 92,762 കോടി രൂപ ആയിരുന്നു. അതായത് മുന്‍വര്‍ഷത്തെക്കാള്‍ 100.4% വര്‍ദ്ധന.
2021-22 സാമ്പത്തിക വര്ഷം പ്രത്യക്ഷ നികുതിയായി ആകെ ലഭിച്ചത് (റീഫണ്ടുകള്‍ ക്രമീകരിക്കുന്നതിന് മുമ്പ്) 2,16,602 കോടി രൂപയാണ്. മുന്‍ വര്ഷം ഇതേ കാലയളവില്‍ ഇത് 1,37,825 കോടി രൂപയായിരുന്നു.
പുതിയ സാമ്പത്തിക വര്‍ഷത്തിന്റെ പ്രാരംഭ മാസങ്ങള്‍ വളരെ വെല്ലുവിളി നിറഞ്ഞതായിരുന്നെങ്കിലും, 2021-22 സാമ്പത്തിക വര്ഷത്തെ ആദ്യ പാദത്തിലെ അഡ്വാന്‍സ് ടാക്‌സ് കളക്ഷന്‍ 28,780 കോടി രൂപയാണ് .തൊട്ടുമുമ്പുള്ള സാമ്പത്തിക വര്‍ഷത്തിന്റെ ഇതേ കാലയളവില്‍ അഡ്വാന്‍സ് ടാക്‌സ് കളക്ഷന്‍ 11,714 കോടി രൂപ ആയിരുന്നു. ഏകദേശം 146% വളര്‍ച്ചയാണ് ഇതില്‍ കാണിക്കുന്നത്. 2021-22 സാമ്പത്തിക വര്ഷം 30,731 കോടി രൂപയുടെ റീഫണ്ടും അനുവദിച്ചു.
പ്രതികരിക്കാൻ ഇവിടെ എഴുതുക: