കോട്ടയം: വെന്നിമല ശ്രീരാമലക്ഷ്മണസ്വാമി ക്ഷേത്രത്തിലെ പ്രസിദ്ധമായ തീര്‍ത്ഥക്കുളത്തിന്റെ നവീകരണ പ്രവര്‍ത്തനങ്ങള്‍ പുരോഗമിക്കുന്നു. ശ്രീകോവിലിലെ അഭിഷേക തീര്‍ത്ഥം ഈ തീര്‍ത്ഥക്കുളത്തിലേക്ക് എത്തുന്നു.
തീര്‍ത്ഥക്കുളത്തിന്റെ കെട്ടിന് ബലക്ഷയം വന്നതോടെ ക്ഷേത്ര സേവാസമിതിയുടെ നേതൃത്വത്തില്‍ അഞ്ചുലക്ഷം രൂപ ചെലവിട്ടാണ് നവീകരണപ്രവര്‍ത്തനങ്ങള്‍ നടത്തുന്നത്. ക്ഷേത്രം പുരാവസ്തു വകുപ്പിന്റെ പട്ടികയില്‍ ഇടം നേടിയെങ്കിലും തീര്‍ത്ഥക്കുളത്തിന്റെ നവീകരണത്തിന് തുക അനുവദിച്ചിട്ടില്ല. നിയന്ത്രണങ്ങള്‍ പാലിച്ച് എല്ലാ ദിവസവും പുലര്‍ച്ചെ 5.30 മുതല്‍ 9.30 വരെ ബലിതര്‍പ്പണം നടക്കുന്നതായും നിയന്ത്രണങ്ങള്‍ ഉള്ളതിനാല്‍ നാലമ്പലത്തില്‍ ഭക്തര്‍ക്ക് പ്രവേശനമില്ലെന്നും ക്ഷേത്രഭാരവാഹികള്‍ അറിയിച്ചു.
പ്രതികരിക്കാൻ ഇവിടെ എഴുതുക: