കണ്ണൂരിൽ ആംബുലൻസ് മരത്തിലിടിച്ച് അപകടം; മൂന്നു പേർ മരിച്ചു, ഒരാൾക്ക് ഗുരുതര പരിക്ക്

കണ്ണൂർ:  കണ്ണൂർ മുണ്ടയാട് ഇളയാവൂരില്‍ ആംബുലൻസ് അപകടത്തിൽ മൂന്നു പേർ മരിച്ചു.  ചന്ദനക്കാംപാറ സ്വദേശികളായ ബിജോ, റെജീന, ആംബുലന്‍സ് ഡ്രൈവര്‍ നിതിന്‍രാജ് എന്നിവരാണ് മരിച്ചത്. ഒരാളെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.  

പുലർച്ചെ മൂന്നരയോടെയാണ് അപകടമുണ്ടായത്. ആംബുലൻസ് മരത്തിൽ ഇടിച്ചു കയറുകയായിരുന്നു. ചന്ദനക്കാംപാറ സ്വദേശി ബെന്നിയാണ് ചികിത്സയിലുള്ളത്. അമിത വേഗതയാണ് അപകടത്തിന് കാരണമായതെന്നാണ് നി​ഗമനം.