തിരുവനന്തപുരം: ഭൂപോഷണ യജ്ഞത്തിന്റെ ഭാഗമായി ശ്രീചിത്ര തിരുനാള് ഇന്സ്റ്റിറ്റ്യൂട്ട് ഫോര് മെഡിക്കല് സയന്സസ്സ് & ടെക്നോളജിയില് ശ്രീചിത്ര എംപ്ലോയീസ് സംഘ് പരിസ്ഥിതി ദിനാചരണവും വൃക്ഷാരോപണ് ദിനവും സംഘടിപ്പിച്ചു. ശ്രീചിത്ര മെഡിക്കല് സെന്റര് മെഡിക്കല് സൂപ്രണ്ട് സീനിയര് പ്രൊഫ. ഡോ.രൂപാ ശ്രീധര് വൃക്ഷത്തൈ നട്ട് ഉദ്ഘാടനം നിര്വഹിച്ചു. ഭൂ പോഷണ യജ്ഞ സമിതി പ്രാന്ത സംയോജകനും, പ്രാന്തീയ സഹ സമ്പര്ക്ക പ്രമുഖുമായ സി.സി ശെല്വന് പരിസ്ഥിതി ദിന സന്ദേശം നല്കി.
തുടര്ന്ന് സി.സി ശെല്വന്,ഭൂ പോഷണ യഞ്ജ സമിതി ജില്ലാ വനിതാ സംയോജക ഡോ. ലക്ഷ്മി വിജയന് വി.ടി, ആര്.എസ് .എസ്സ് വിഭാഗ് പ്രചാരക് ശ്രീ. ഗോപാലകൃഷ്ണന്, ബി എം.എസ്സ് ജില്ലാ സെക്രട്ടറി ക.ജയകുമാര്, ശ്രീചിത്ര ന്യൂറോളജി വിഭാഗം ഡോ. ആശാലത രാധാകൃഷ്ണന് , അനസ്തേഷ്യ വിഭാഗം ഡോ. സുബിന് സുകേശന്, ന്യൂറോളജി വിഭാഗം ഡോ.സജിത്ത് എന്നിവര് വ്യക്ഷത്തൈകള് നട്ടുപിടിപ്പിച്ചു, ശ്രീചിത്ര എംപ്ലോയീസ് സംഘ് പ്രഭാരി പി.സുനില് കുമാര്, പ്രസിഡന്റ് പി.ടി മധുസൂദനന്, ജനറല് സെക്രട്ടറി രഞ്ജിത്ത് കുമാര്. വി, എന്നിവരും ശ്രീചിത്ര ജീവനക്കാരും പങ്കെടുത്തു.
