കണ്ണൂര് : എന്റെ വസ്ത്രത്തിന്റെ ഭാഗമായിട്ടാണ് ബാഡ്ജ് ധരിച്ചെത്തിയത്. സത്യപ്രതിജ്ഞാ ചടങ്ങില് ടി.പി. ചന്ദ്രശേഖരന്റെ ബാഡ്ജ് ധരിച്ച് സഭയിലെത്തിയതില് മറുപടിയുമായി വടകര എംഎല്എ കെ.കെ. രമ. സത്യപ്രതിജ്ഞാ ചടങ്ങില് ബാഡ്ജ് ഘരിച്ചെത്തിയത് സത്യ പ്രതിജ്ഞാ ലംഘനമാണോയെന്ന് പരിശോധിക്കുമെന്ന് സ്പീക്കര് എം.ബി. രാജേഷ് പറഞ്ഞിരുന്നു. ഇതുമായി ബന്ധപ്പെട്ട് സ്വകാര്യ മാധ്യമത്തിന് നല്കിയ മറുപടിയില് ഇടത് പക്ഷത്തിനെ അവര് രൂക്ഷമായി വിമര്ശിക്കുകയും ചെയ്തു.
സ്പീക്കറുടെ കസേര മറിച്ചിട്ട് അത് കാല് കൊണ്ട് ചവിട്ടിത്തെറിപ്പിച്ചവരാണോ സത്യപ്രതിജ്ഞാ ലംഘനത്തെ പറ്റി പറയുന്നത്. സ്പീക്കറുടെ കസേര മറിച്ചിട്ട് ചവിട്ടി തെറിപ്പിച്ചത് സത്യപ്രതിജ്ഞാ ചട്ടത്തില് ഉള്പ്പെട്ടിരുന്നോ. അല്ലെന്നാണ് എന്റെ അറിവ്. എന്റ വസ്ത്രത്തിന്റെ ഭാഗമായിട്ടാണ് സഭയില് ബാഡ്ജ് ധരിച്ചെത്തിയത്. എല്ലാം പരിശോധിച്ച് തന്നെയാണ് അങ്ങനെ ചെയ്തത്. ആദ്യം മുതല്ക്ക് തന്നെ ഇടത് പക്ഷം തന്റെ പുറകെയാണ്. ഇതിലും വലുത് പ്രതീക്ഷിച്ചതാണ്. തന്റെ പ്രവൃത്തിയില് തെറ്റുണ്ടോയെന്ന് സ്പീക്കര് പരിശോധിക്കട്ടെ. എന്നിട്ട് തൂക്കി കൊല്ലാന് വിധിക്കുന്നെങ്കില് അങ്ങനെ ചെയ്യട്ടെയെന്നും കെ.കെ. രമ പ്രതികരിച്ചു.
നിയമസഭാ തെരഞ്ഞെടുപ്പില് ഇടത് കോട്ടയായിരുന്ന വടകര സീറ്റില് കെ.കെ. രമ ജയിച്ചത് സിപിഎമ്മിന് വലിയ തിരിച്ചടിയായിരുന്നു. പിന്നാലെ സത്യ പ്രതിജ്ഞാ ചടങ്ങില് ടിപിയുടെ ചിത്രമുള്ള ബാഡ്ജ് ധരിച്ചെത്തിയത് സമൂഹ മാധ്യമങ്ങളില് ഉള്പ്പടെ വന് ചര്ച്ചയാവുകയും ചെയ്തിരുന്നു.
