കവരത്തി: അഡ്മിനിസ്ട്രേറ്റര് പ്രഫുല് പട്ടേലിനെതിരെയുള്ള പ്രതിഷേധത്തിന്റെ ഭാഗമായി കേരളത്തിലെ ഡിവൈഎഫ്ഐ പ്രവര്ത്തകര് ലക്ഷദ്വീപ് വളയുമെന്ന് സോഷ്യല് മീഡിയയില് പ്രചരണം. ലക്ഷദീപ് ഫ്രണ്ട്സ്, ദ്വീപ് ബോയ്സ് എന്നീ പേരുള്ള വാട്സ്ആപ്പ്, ഫേസ്ബുക്ക് ഗ്രൂപ്പുകളിലാണ് ഇത്തരത്തിലുള്ള പ്രചരണം നടക്കുന്നത്. ഇത് വ്യാജ പ്രചരണമാണെന്ന് പ്രവര്ത്തകര് ഗ്രൂപ്പുകളില് പറയുന്നുണ്ടെങ്കിലും പ്രതികരിക്കാന് സംസ്ഥാന നേതാക്കള് തയാറായിട്ടുണ്ട്.
പ്രതിഷേധ പരിപാടിയുടെ ഭാഗമായി പ്രത്യേക പോസ്റ്ററും രൂപകല്കപ ചെയ്തിട്ടുണ്ട്. ‘ജൂണ് ഒന്നിന് ഡിവൈഎഫ്ഐ ലക്ഷദ്വീപ് വളയുന്നു. മെയ് 31ന് രാവിലെ എട്ടു മണിക്ക് കൊച്ചിയില് നിന്ന് നീന്തലാരംഭിക്കും. എല്ലാ സഖാക്കളും നീന്തല് വേഷത്തില് ഏഴുമണിക്ക് കടപ്പുറത്ത് എത്തിച്ചേരണം’ എന്നാണ് പ്രചരിക്കുന്ന പോസ്റ്ററിലുള്ളത്. എന്നാല്, ഇത്തരത്തിലുള്ള ഒരു പ്രചരണത്തെക്കുറിച്ച് അറിയില്ലെന്നാണ് ദ്വീപിലെ ഡിവൈഎഫ്ഐ നേതാക്കള് പറയുന്നത്. കേരളത്തിലെയും ഡിവൈഎഫ്ഐ നേതൃത്വം ഇത്തരമൊരു തീരുമാനം പ്രഖ്യാപിച്ചിട്ടില്ല. സോഷ്യല് മീഡിയയില് ഇതു സംബന്ധിച്ച് നടക്കുന്നത് ട്രോള് രൂപത്തിലുള്ള വ്യാജ പ്രചരണമാണ്.
