ന്യൂദല്ഹി: ഇന്ത്യയില് നിന്ന് ഇസ്രായേലിലേക്ക് വിമാന സര്വീസ് പുനരാരംഭിക്കുന്നു.ഈ മാസം 31 ന് ദില്ലിയില് നിന്ന് ആദ്യ വിമാനം സര്വ്വീസ് നടത്തുമെന്ന് വിദേശകാര്യ സഹമന്ത്രി വി. മുരളീധരന് അറിയിച്ചു. ജൂലൈ 31 വരെയുള്ള വിമാന സര്വ്വീസുകള് സംബന്ധിച്ച് ഷെഡ്യൂള് ആയിട്ടുണ്ട്. മെയ് മാസം 21 ന് ശേഷം ഇസ്രായേല് വിസ അനുവദിച്ചവര്ക്കാണ് യാത്ര ചെയ്യാന് കഴിയുക. മുന്പ് വിസ ലഭിച്ചിട്ടുള്ളവര് പുതുക്കേണ്ടതാണ് .
72 മണിക്കൂര് മുന്പുള്ള കൊവിഡ് ആര്ടിപിസിആര് ടെസ്റ്റ് റിസള്ട്ട് യാത്രക്ക് അത്യാവശ്യമാണ്. നിര്ബന്ധിത ഇന്സ്റ്റിറ്റിയൂഷണ് ക്വാറന്റീന് ഉള്പ്പെടെയുള്ള മാനദണ്ഡങ്ങള് യാത്രക്കാര് പാലിക്കണമെന്നും മന്ത്രി അറിയിച്ചു. വിമാന സര്വ്വീസ് പുനരാരംഭിക്കുന്നത് സംബന്ധിച്ച് നിരവധി നിവേദനങ്ങള് പ്രവാസികള് നല്കിയിരുന്നതായും മന്ത്രി പറഞ്ഞു.
