റോം: യുവന്റസിന് കോപ്പ ഇറ്റാലിയ കപ്പ് . ഫൈനലില്‍ ഒന്നിനെതിരെ രണ്ട് ഗോളുകള്‍ക്ക്് അറ്റ്‌ലാന്റയെ തോല്‍പ്പിച്ചാണ് യുവന്റസ് കോപ്പ ഇറ്റാലിയ കപ്പ് സ്വന്തമാക്കിയത്. പതിനാലാം തവണയാണ് അവര്‍ ഈ കരീടം സ്വന്തമാക്കുന്നത്. ഇത് റെക്കോഡാണ്.
അതേസമയം സ്റ്റാര്‍ സ്‌ട്രൈക്കര്‍ ക്രിസ്റ്റിയനോ റൊണാള്‍ഡോ ഇത് ആദ്യമായാണ് കോപ്പ ഇറ്റാലിയ കപ്പ് നേടുന്നത്. കഴിഞ്ഞ വര്‍ഷം യുവന്റസ് കോപ്പ ഇറ്റാലിയയുടെ ഫൈനലില്‍ തോറ്റു.
ഇറ്റലിയില്‍ ഒരു വര്‍ഷത്തിനുശേഷം ഇതാദ്യമായി ആരാധകരുടെ മുന്നില്‍ നടന്ന പോരാട്ടത്തില്‍ യുവന്റസ് മികച്ച പ്രകടനമാണ് കാഴ്ചവച്ചത്. കൊവിഡിന്റെ പശ്ചാത്തലത്തില്‍ 4300 കാണികള്‍ക്കാണ് പ്രവേശനം നല്‍കിയിയ്.
കളിയുടെ മുപ്പത്തിയൊന്നാം മനിറ്റില്‍ കുലുസേവ്‌സ്‌കി യുവന്റസിന് ലീഡ് നേടിക്കൊടുത്തു. എന്നാല്‍ ഇടവേളയ്‌ക്ക് മുമ്പ്് അറ്റ്‌ലാന്റ യുവന്റസിനൊപ്പം എത്തി. മാലിനോവ്‌സ്‌കിയാണ് അറ്റ്‌ലാന്റയ്‌ക്കായി ലക്ഷ്യം കണ്ടത്. ഇടവേളയ്‌ക്കു ഇരു ടീമുകളും ഓപ്പത്തിനൊപ്പം (1-1).
ഏഴുപത്തിമൂന്നാം മിനിറ്റില്‍ ഫെഡ്രിക്കോ ചീസ നിര്‍ണായക ഗോളിലൂടെ യുവന്റസിന് കിരീട വിജയം സമ്മാനിച്ചു.
പ്രതികരിക്കാൻ ഇവിടെ എഴുതുക: