കൊല്ക്കത്ത : തൃണമൂല് കോണ്ഗ്രസ് നേതാക്കള് പ്രതികളായ നാരദ കൈക്കൂലി കേസലില് ജാമ്യാപേക്ഷ പരിഗണിക്കുന്നത് മറ്റൊരു ദിവസത്തേക്ക് കൊല്ക്കത്ത ഹൈക്കോടതി മാറ്റിവെച്ചു. കേസ് വ്യാഴാഴ്ച ഉച്ചക്ക് ശേഷം രണ്ട് മണിക്ക് കേസ് പരിഗണിക്കാനായിരുന്നു തീരുമാനം. തിങ്കളാഴ്ചയാണ് നാല് തൃണമൂല് നേതാക്കളെ സിബിഐ അറസ്റ്റ് ചെയ്തത്.
ഇവര്ക്ക് സിബിഐ കോടതി ജാമ്യം നല്കിയെങ്കിലും തിങ്കളാഴ്ച രാത്രി വൈകി കേസ് പരിഗണിച്ച് കൊല്ക്കത്ത ഹൈക്കോടതി ജാമ്യം റദ്ദാക്കുകയായിരുന്നു. ബുധനാഴ്ച കേസില് വാദം കേട്ടപ്പോഴും അറസ്റ്റിസിന് പിന്നാലെയുണ്ടായ സംഭവവികാസങ്ങളില് ഹൈക്കോടതി രൂക്ഷവിമര്ശനം ഉന്നയിച്ചിരുന്നു.
2014 ല് വ്യവസായികളായി എത്തിയ നാരദ ന്യൂസ് പോര്ട്ടല് സംഘത്തില് നിന്ന് കൈക്കൂലി വാങ്ങിയ കേസിലായിരുന്നു ഏഴ് വര്ഷത്തിന് ശേഷമുള്ള അറസ്റ്റ്. തൃണമൂല് കോണ്ഗ്രസ് നേതാക്കളെ സിബിഐ അറസ്റ്റ് ചെയ്തതില് പ്രതിഷേധിച്ച് മുഖ്യമന്ത്രി മമത അന്വേഷണ ഏജന്സിയുടെ ഓഫീസില് എത്തുകയും അവരെ വിട്ടയയ്ക്കണമെന്നാവശ്യപ്പെട്ട് ധര്ണ്ണ നടത്തുകയും ചെയ്തിരുന്നു.
ഇത് കൂടാതെ സിബിഐ പ്രത്യേക കോടതി ഇവര്ക്ക് ജാമ്യം അനുവദിക്കുകയും ചെയ്തിരുന്നു. തുടര്ന്ന് സിബിഐ ഹൈക്കോടതിയെ സമീപിക്കുകയും ജാമ്യം കോടതി റദ്ദാക്കുകയുമായിരുന്നു.
