മാഡ്രിഡ്: റയല്‍ മാഡ്രിഡ് മിഡ്ഫീല്‍ഡര്‍ ടോണി ക്രൂസിന് കൊവിഡ് സ്ഥിരീകരിച്ചു. ലാ ലിഗയിലെ നിര്‍ണായകമായ അവസാന ലീഗ് മത്സരത്തില്‍ ഈ ജര്‍മന്‍താരം കളിക്കുന്നകാര്യം സംശയമാണ്. വിയാറയലിനെതിരെ ശനിയാഴ്ചയാണ് റയലിന്റെ അവസാന മത്സരം. കിരീടം പ്രതീക്ഷ നിലനിര്‍ത്താന്‍ റയലിന് ഈ മത്സരത്തില്‍ ജയം അനിവാര്യമാണ്. പോയിന്റ് നിലയില്‍ ഒന്നാം സ്ഥാനത്ത് നില്‍ക്കുന്ന അത്‌ലറ്റിക്കോ മാഡ്രിഡിനെക്കാള്‍ രണ്ട് പോയിന്റിന് പിന്നിലാണ് റയല്‍.
കഴിഞ്ഞ ഞായറാഴ്ച അത്‌ലറ്റിക് ബില്‍ബാവോക്കെതിരായ മത്സരത്തിലും ടോണി ക്രൂസ് കളിച്ചിരുന്നില്ല. കൊവിഡ് രോഗിയുമായി അടുത്തിടപഴകിയതിനെ തുടര്‍ന്ന് ടോണി ഐസോലേഷനിലായിരുന്നു. മത്സരത്തില്‍ റയല്‍ ഏകപക്ഷീയമായ ഒരു ഗോളിന് വിജയിച്ചു. കഴിഞ്ഞ ശനിയാഴ്ച മുതല്‍ ടോണി ക്രൂസ് ഐസോലേഷനിലാണ്.
പ്രതികരിക്കാൻ ഇവിടെ എഴുതുക: