കോഴിക്കോട്: തിങ്കളാഴ്ച സംസ്ഥാനത്തെ റേഷന് കടകള് അടച്ചു സമരം ചെയ്യും. കേരള സ്റ്റേറ്റ് റീട്ടെയില് റേഷന് ഡീലേഴ്സ് അസോസിയേഷന്, ഓള് കേരള റീട്ടെയില് റേഷന് ഡീലേഴ്സ് അസോസിയേഷന് സംയുക്ത യോഗത്തിന്റേതാണ് തീരുമാനം. കോവിഡ് ബാധിച്ച് മരിച്ച റേഷന് വ്യാപാരികളോട് ആദരസൂചകമായും സര്ക്കാരിന്റെ നിഷേധാത്മക നിലപാടില് പ്രതിഷേധിച്ചുമായിരിക്കും റേഷന് കടകള് അടച്ചിടുകയെന്ന് എകെആര്ആര്ഡിഎ സംസ്ഥാന ജനറല് സെക്രട്ടറി ടി.മുഹമ്മദലിയും കെഎസ്എസ്ആര്ആര്ഡിഎ സംസ്ഥാന വൈസ് പ്രസിഡന്റ് എം.എം.സൈനുദ്ദീനും അറിയിച്ചു.
കടകള് റേഷന് വ്യാപാരികളെ കോവിഡ് മുന്നണി പോരാളികളായി അംഗീകരിക്കുക, മരിച്ചവരുടെ കുടുംബത്തിനു സാമ്പത്തിക സഹായം അനുവദിക്കുക, കോവിഡ് വാക്സിനേഷനു മുന്ഗണന നല്കുക, ബയോമെട്രിക് സംവിധാനം തല്ക്കാലം ഒഴിവാക്കുക, ഇന്ഷുറന്സ് പരിരക്ഷ ഏര്പ്പെടുത്തുക തുടങ്ങിയ ആവശ്യങ്ങളാണ് വ്യാപാരികള് മുന്നോട്ടുവയ്ക്കുന്നത്.
