തിരുവനന്തപുരം: മൂന്നു ജില്ലകളില് പ്രഖ്യാപിച്ചിരുന്ന റെഡ് അലെര്ട്ട് പിന്വലിച്ചു മണിക്കൂറുകള്ക്കകം അഞ്ചു ജില്ലകളില് റെഡ് അലെര്ട്ട് പ്രഖ്യാപിച്ച് കേന്ദ്ര കാലാവസ്ഥ നിരീക്ഷണം കേന്ദ്രം. തിരുവനന്തപുരം, കൊല്ലം, പത്തനംതിട്ട ജില്ലകള്ക്കു പുറകേ ആലപ്പുഴ, എറണാകുളം ജില്ലകളിലാണ് പുതിയ റെഡ് അലെര്ട്ട് അറബിക്കടലില് രൂപമെടുത്ത ന്യൂനമര്ദം അടുത്ത 12 മണിക്കൂറിനുള്ളില് തീവ്ര ന്യൂനമര്ദമായി മാറാന് സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. തീവ്ര ന്യൂനമര്ദം 48 മണിക്കൂറിനുള്ളില് ചുഴലിക്കാറ്റായി മാറിയേക്കുമെന്നും മുന്നറിയിപ്പുണ്ട്. മധ്യകേരളം മുതല് വടക്കന് കേരളം വരെ ശക്തമായ കാറ്റിനും മഴയ്ക്കും സാധ്യതയുണ്ടെന്നും കാലാവസ്ഥാ കേന്ദ്രം പറയുന്നു. കോട്ടയം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഇന്ന് ഓറഞ്ച് അലര്ട്ട്. കേരളത്തില് ഒന്നാകെ അതീവ ജാഗ്രത പുലര്ത്താനും നിര്ദേശിച്ചു.
അതേസമംയം, ശനിയാഴ്ച അഞ്ച് ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്. തെക്ക് കിഴക്കന് അറബിക്കടലില് ന്യൂനമര്ദ്ദം രൂപപ്പെട്ട സാഹചര്യത്തില് തിരുവനന്തപുരം, കൊല്ലം, പത്തനംതിട്ട, മലപ്പുറം, കോഴിക്കോട്, വയനാട്, കണ്ണൂര്, കണ്ണൂര്, കാസര്കോട് ജില്ലകളിലാണ് റെഡ് അലര്ട്ട് പ്രഖ്യാപിച്ചത്. ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളില് ശനിയാഴ്ച ഓറഞ്ച് അലര്ട്ടും തിരുവനന്തപുരം, കൊല്ലം ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. സംസ്ഥാനത്ത് നാലു ക്യാംപുകളിലായി 87 പേരെ മാറ്റിപാര്പ്പിച്ചതായി ലാന്ഡ് റവന്യു കമ്മിഷണറേറ്റ് അറിയിച്ചു.
