പത്തനംതിട്ട: ഇടവമാസ പൂജകള്ക്കായി ശബരിമല നട ഇന്ന് തുറക്കും. വൈകിട്ട് അഞ്ച് മണിക്കാണ് നട തുറക്കുക. നാളെയാണ് ഇടവം ഒന്ന്. കോവിഡ് വ്യാപനവും ലോക്ഡൗണും കണക്കിലെടുത്ത് ഭക്തര്ക്ക് പ്രവേശനം ഉണ്ടാകില്ല.
നട തുറന്നിരിക്കുന്ന ദിവസങ്ങളില് പതിവ് പൂജകള് മാത്രമേ ഉണ്ടാവുകയുള്ളൂ.19 ന് രാത്രി ഹരിവരാസനം പാടി ക്ഷേത്രനട അടയ്ക്കും. പ്രതിഷ്ഠാ വാര്ഷികത്തിനായി മെയ് 22 ന് വൈകുന്നേരം ക്ഷേത്ര തിരുനട വീണ്ടും തുറക്കും.
23 ന് ആണ് പ്രതിഷ്ഠാദിനം. അന്ന് രാത്രി തന്നെ ഹരിവരാസനം പാടി നട അടയ്ക്കും. ക്ഷേത്ര ജീവനക്കാര്ക്ക് മാത്രമേ ചടങ്ങില് പങ്കെടുക്കാന് സാധിക്കൂവെന്നും അധികൃതര് അറിയിച്ചിട്ടുണ്ട്.
