ന്യൂദല്ഹി: കോവിഡിന്റെ രണ്ടാം തരംഗത്തോട് പോരാട്ടം തുടരുന്നതിടെ വിവിധ രാജ്യങ്ങള് ഇന്ത്യക്ക് ഐക്യദാര്ഢ്യം പ്രഖ്യാപിച്ചും സഹായം വാഗ്ദാനം ചെയ്തും ഇതിനോടകം രംഗെത്തെത്തി കഴിഞ്ഞു. ലോകമെമ്പാടുംനിന്ന് ഇന്ത്യക്ക് സഹായങ്ങളും ആശംസകളും ചൊരിയുന്നതിനിടെ, രാജ്യത്തിന്റെ ക്ഷേമത്തിനായി ‘ഓം നമഃ ശിവായ’ ജപിക്കുന്ന ഇസ്രയേലിലെ ജനങ്ങളുടെ വീഡിയോ സമൂഹമാധ്യമങ്ങളില് വൈറലായി. ഇസ്രയേലില് നയതന്ത്ര ഉദ്യോഗസ്ഥനായ പവന് കെ പല് ആണ് ഇന്സ്റ്റഗ്രാമില് വീഡിയോ പങ്കുവച്ചത്.
‘നിങ്ങള്ക്ക് പ്രതീക്ഷയുടെ കിരണം നല്കാന് ഇസ്രയേല് ആകെ ഒന്നിച്ചപ്പോള്’ എന്ന അടിക്കുറിപ്പോടെയായിരുന്നു പോസ്റ്റ്. വീഡിയോ കണ്ടവരുടെ എണ്ണം ഒരുലക്ഷം പിന്നിട്ടു. ടെല് അവീവിലെ ഹബിമ സ്ക്വയറില് നൂറ് കണക്കിനാളുകള് ഇരുന്ന് മന്ത്രം ജപിക്കുന്നത് വീഡിയോയില് കാണാം. ‘ഇസ്രയേലിന് നന്ദി’, ‘മനോഹരമായ പ്രവൃത്തി’ ഉള്പ്പെടെ കമന്റുകള് വീഡിയോയ്ക്ക് താഴെ വന്നു നിറഞ്ഞിട്ടുണ്ട്.
