ബാഴ്‌സലോണ: സൂപ്പര്‍ സ്റ്റാര്‍ ലയണല്‍ മെസിയുടെ ഇരട്ട ഗോളില്‍ വലന്‍സിയയെ തോല്‍പ്പിച്ച് ബാഴ്‌സലോണ, അത്‌ലറ്റിക്കോ മാഡ്രിഡിനും റയല്‍ മാഡ്രിഡിനും ഒപ്പം ലാ ലിഗയില്‍ കിരീട പ്രതിക്ഷ നിലിനര്‍ത്തി. ആവേശപ്പോരില്‍ രണ്ടിനെതിരെ മൂന്ന് ഗോളുകള്‍ക്കാണ് ബാഴ്‌സ വലന്‍സിയയെ മറികടന്നത്.
ഈ വിജയത്തോടെ ബാഴ്‌സയ്‌ക്ക് റയല്‍ മാഡ്രിഡിനൊപ്പം മുപ്പത്തിനാല് മത്സരങ്ങളില്‍ 74 പോയിന്റായി. എന്നാല്‍ ഗോള്‍ശരാശരിയില്‍ റയല്‍ രണ്ടാം സ്ഥാനത്തും ബാഴ്‌സ മൂന്നാം സ്ഥാനത്തുമാണ്. മുപ്പത്തിനാല് മത്സരങ്ങളില്‍ 76 പോയിന്റുള്ള അത്‌ലറ്റിക്കോ മാഡ്രിഡാണ് ഒന്നാം സ്ഥാനത്ത്.
ഒരു ഗോളിന് പിന്നിട്ടുനിന്നശേഷമാണ് ബാഴ്‌സ വിജയത്തിലേക്ക്് പൊരുതിക്കയറിയത്. അമ്പതാം മിനിറ്റില്‍ ഗബ്രീയേല്‍ പോളിസ്റ്റ വലന്‍സിയയെ മുന്നിലെത്തിച്ചു. ഗോള്‍ വീണതോടെ തകര്‍ത്തുകളിച്ച ബാഴ്‌സ അമ്പത്തിയേഴാം മിനിറ്റില്‍ മെസിയുടെ ഗോളില്‍ ഒപ്പം എത്തി. 63-ാം മിനിറ്റില്‍ ഗ്രീസ്മാന്‍ ഗോള്‍ അടിച്ചതോടെ ബാഴ്‌സ 2-1 ന് മുന്നിലായി. ആറു മിനിറ്റുകള്‍ക്ക് ശേഷം മെസി തന്റെ രണ്ടാം ഗോളിലൂടെ ബാഴ്‌സയുടെ ലീഡ് 3-1 ആക്കി. കളിയവസാനിക്കാന്‍ ഏഴുമിനിറ്റ് ശേഷിക്കെ കാര്‍ലോസ് സോളര്‍ വലന്‍സിയയുടെ രണ്ടാം ഗോളും കുറിച്ചു.
പ്രതികരിക്കാൻ ഇവിടെ എഴുതുക: