കോട്ടയം: പൊതുജനങ്ങള്ക്ക് വോട്ടെണ്ണല് ഫലങ്ങള് തത്സമയം അറിയാന് സംവിധാനം. Voter helpline എന്ന മൊബൈല് ആപ്ലിക്കേഷനിലൂടെയും result.eci.nic.in എന്ന ലിങ്കിലൂടെയും തത്സമയം വിവരങ്ങള് അറിയാം.
തെരഞ്ഞെടുപ്പ് ഫലം മാധ്യമങ്ങള്ക്ക് ലഭ്യമാക്കുന്നതിന് ജില്ലയില് പ്രത്യേക ക്രമീകരണങ്ങള് ഏര്പ്പെടുത്തിയിട്ടുണ്ട്. ജില്ലയിലെ പ്രധാന മീഡിയ സെന്റര് കളക്ടറേറ്റ് കോണ്ഫറന്സ് ഹാളില് പ്രവര്ത്തിക്കും. തെരഞ്ഞെടുപ്പ് കമ്മീഷന് അനുവദിച്ച അതോറിറ്റി ലെറ്റര് ഉള്ളവര്ക്കു മാത്രമാണ് ഇവിടെ പ്രവേശനം. ഇതിനു പുറമേ എല്ലാ വോട്ടെണ്ണല് കേന്ദ്രങ്ങളിലും റിട്ടേണിംഗ് ഓഫീസര്മാരുടെ നേതൃത്വത്തില് മീഡിയ സെന്റര് പ്രവര്ത്തിക്കും.
അതോറിറ്റി ലെറ്റല് ലഭിച്ചവരില് കോവിഡ് പരിശോധനാ ഫലമോ രണ്ടു ഡോസ് വാക്സിന് എടുത്തതിന്റെ സര്ട്ടിഫിക്കറ്റോ ഉള്ളവര്ക്ക് മാത്രമാണ് വോട്ടെണ്ണല് കേന്ദ്രങ്ങളില് പ്രവേശനം അനുവദിക്കുക.
ട്രെന്ഡ്സ് ടിവി എന്ന വെബ്സൈറ്റ് മുഖേനയാണ് ജില്ലാ മീഡിയ സെന്ററില് വിവരങ്ങള് ലഭ്യമാകുക. ഓരോ റൗണ്ട് വോട്ടെണ്ണല് കഴിയുമ്പോഴും കൗണ്ടിംഗ് കേന്ദ്രത്തില്നിന്ന് തെരഞ്ഞെടുപ്പ് കമ്മീഷന്റെ എന്കോര് ആപ്ലിക്കേഷനില് വരണാധികാരികള് എന്റര് ചെയ്യുന്ന വിവരങ്ങളാണ് ഇന്ഫോഗ്രാഫിക്സ് ഉള്പ്പെടെ ട്രെന്ഡ്സ് ടിവിയില് പ്രദര്ശിപ്പിക്കുക. ജില്ലാ കളക്ടറുടെ നിര്ദേശപ്രകാരം നാഷണല് ഇന്ഫര്മാറ്റിക് സെന്ററാണ് ജില്ലയില് ഇതിനുള്ള സാങ്കേതിക ക്രമീകരണങ്ങള് നടത്തുന്നത്.
