കൊച്ചി: കൊവിഡ് പ്രതിരോധ മാര്ഗ നിര്ദേശങ്ങളുടെ ഭാഗമായി അവശ്യസര്വീസുകള് ഒഴികെയുള്ള ജില്ലയിലെ സര്ക്കാര് ഓഫീസുകളില് ഹാജര്നില പകുതി. ബാക്കിയുള്ളവര് വര്ക്ക് ഫ്രം ഹോം സംവിധാനത്തിന് കീഴില് വീടുകളില് ഇരുന്നാണ് ജോലി ചെയ്യുന്നത്. പ്രധാനപ്പെട്ട എല്ലാ വകുപ്പുകളിലെയും ബഹുഭൂരിപക്ഷം വിഭാഗം ജീവനക്കാര്ക്കും ഓഫീസ് ഫയലുകളില് വീടുകളില് നിന്ന് തന്നെ പ്രവൃത്തി എടുക്കുന്നതിനുള്ള സാഹചര്യം നിലവിലുണ്ട്.
ഒരു ദിവസം വീടുകളില് നിന്ന് ജോലി എടുക്കുന്നവര് പിറ്റേ ദിവസം ഓഫീസിലെത്തി ഫയലുകള് പ്രിന്റ് എടുത്ത് തപാല് നടപടികള് പൂര്ത്തിയാക്കുന്ന വിധത്തിലാണ് വര്ക്ക് ഫ്രം ഹോം രീതി സജ്ജമാക്കിയിരിക്കുന്നത്. കൊവിഡ് പ്രതിരോധ പ്രവര്ത്തനങ്ങളില് നിര്ണായക പങ്ക് വഹിക്കുന്ന ആരോഗ്യ വകുപ്പ് ഉള്പ്പെടെയുള്ള അവശ്യസര്വീസ് വിഭാഗങ്ങള് പതിവ് രീതിയില് പ്രവര്ത്തിച്ചു.
അവശ്യവിഭാഗം എന്നതിന് പുറമേ തെരഞ്ഞെടുപ്പ് ജോലിയുടെ ഭാഗമായുള്ള ചുമതലകള് വഹിക്കുന്ന കളക്ടറേറ്റ് ഉള്പ്പെടെയുള്ള റവന്യൂ വിഭാഗം ഓഫീസുകള് പതിവുപോലെ പ്രവര്ത്തിച്ചു. ശാരീരിക അസ്വസ്ഥതകള് ഇല്ലാത്ത എല്ലാവരോടും ജോലിക്ക് ഹാജരാകാനാണ് റവന്യൂ വിഭാഗം നിര്ദേശം നല്കിയിട്ടുള്ളത്. വീടുകളില് നിന്ന് ജോലി ചെയ്യുന്ന ഉദ്യോഗസ്ഥര് ഓഫീസ് സംബന്ധമായ കാര്യങ്ങള്ക്ക് സജ്ജമായിരിക്കണമെന്ന നിര്ദേശം നല്കിയിട്ടുണ്ട്.
ഗസറ്റഡ് റാങ്കിലുള്ള കൊവിഡ് പ്രതിരോധ ചുമതലയുള്ള ഉദ്യോഗസ്ഥരെല്ലാവരും ഓഫീസുകളില് ഹാജരായിരുന്നു. അടിയന്തര സാഹചര്യം വന്നാല് വീടുകളില് നിന്ന് ജോലിയുടെ ഭാഗമാകുന്ന ഉദ്യോഗസ്ഥര് ഓഫീസുകളില് ഹാജരാകണം.
