ഹരാരെ: ടി 20 യില്‍ അതിവേഗം രണ്ടായിരം റണ്‍സ് നേടുന്ന ബാറ്റ്‌സ്മാനെന്ന റെക്കോഡ് പാക്കിസ്ഥാന്‍ ക്യാപ്റ്റന്‍ ബാബര്‍ അസം സ്വന്തമാക്കി. ഇന്ത്യന്‍ ക്യാപ്റ്റന്‍ വിരാട് കോഹ്‌ലിയുടെ റെക്കോഡാണ് തകര്‍ന്നത്.
സിംബാബ്‌വെക്കെതിരായ അവസാന ടി 20 യിലാണ് അസം റെക്കോഡിട്ടത്. 52 ഇന്നിങ്‌സുകളില്‍ നിന്നാണ് രണ്ടായിരം റണ്‍സിലെത്തിയത്. അതേസമയം വിരാട് കോഹ്‌ലി 56 ഇന്നിങ്‌സിലാണ് ഈ നേട്ടം കൈവരിച്ചത്.
ബാബര്‍ അസം 46 പന്തില്‍ 52 റണ്‍സ് അടിച്ചെടുത്തു. ഓപ്പണര്‍ മുഹമ്മദ് റിസ്‌വാനും തളങ്ങിയതോടെ 24 റണ്‍സിന് സിംബാബ്‌വെയെ തോല്‍പ്പിച്ച് പാക്കിസ്ഥാന്‍ മൂന്ന് മത്സരങ്ങളുടെ പരമ്പര നേടി (2-1 ). റിസ്‌വാന്‍ 91 റണ്‍സുമായി പുറത്താകാതെ നിന്നു. ആദ്യം ബാറ്റ് ചെയ്ത പാക്കിസ്ഥാന്‍ 20 ഓവറില്‍ മൂന്ന് വിക്കറ്റിന് 165 റണ്‍സ് എടുത്തു. മറുപടി പറഞ്ഞ സിംബാബ്‌വെയ്‌ക്ക് 20 ഓവറില്‍ ഏഴു വിക്കറ്റിന് 141 റണ്‍സേ നേടാനായുള്ളൂ.
പ്രതികരിക്കാൻ ഇവിടെ എഴുതുക: