തിരുവനന്തപുരം : സംസ്ഥാനത്ത് ലോക്ഡൗണിന് സമാനമായ നിയന്ത്രണങ്ങള്ക്ക് തുടക്കമായി. ശനി, ഞായര് ദിവസങ്ങളില് അത്യാവശ്യത്തിനല്ലാതെ ആളുകള് പുറത്തിറങ്ങരുതെന്നാണ് സര്ക്കാര് ഉത്തരവ്. കോവിഡ് വ്യാപനം രൂക്ഷമായ സാഹചര്യത്തിലാണ് ഇത്തരത്തില് നിയന്ത്രണങ്ങള് കടുപ്പിച്ചത്.
പാല്, പച്ചക്കറി, പലവ്യഞ്ജനം തുടങ്ങി അവശ്യസാധനങ്ങള് വില്ക്കുന്ന കടകള് മാത്രം തുറക്കാം. ഹോട്ടലുകളില് പാഴ്സല് ഓണ്ലൈന് സേവനങ്ങള് മാത്രമാകും. കെഎസ്ആര്ടിസി അറുപത് ശതമാനം സര്വീസുകള് മാത്രമായി. ട്രെയിന് ദീര്ഘദൂര സര്വീസുകള് മാത്രമാണ്.
ഓട്ടോ ടാക്സി എന്നിവ അത്യാവശ്യ ആവശ്യത്തിന് മാത്രം. എന്നാല് കോവിഡ് വാക്സിന് എടുക്കാന് പോകുന്നവര്ക്കും, പ്ലസ്ടു പരീക്ഷയ്ക്കും ഇളവുണ്ട്. വിവാഹചടങ്ങില് പങ്കെടുക്കാന് പോകുന്നവര് തിരിച്ചറിയല് കാര്ഡും ക്ഷണക്കത്തും കരുതണം.
ശനി, ഞായര് ദിവസങ്ങളില് സര്ക്കാര് പൊതുമേഖല സ്ഥാപനങ്ങളും ബാങ്കുകള്ക്കും അവധിയാണ്. സ്വകാര്യസ്ഥാപനങ്ങളില് ജോലി ചെയ്യുന്നവര് തിരിച്ചറിയല് കാര്ഡ് കാണിച്ചാല് ഓഫീസില് പോകാം. അതേസമയം 24 മണിക്കൂറും പ്രവര്ത്തിക്കുന്ന വ്യവസായങ്ങള്ക്കും ഇളവുണ്ട്.
