മുംബൈ : മഹാരാഷ്‌ട്രയില്‍ ആശുപത്രിയിലെ ഓക്സിജന് ടാങ്ക് ചോര്‍ന്നതിനെ തുടര്‍ന്ന് ശ്വാസം കിട്ടാതെ 22 രോഗികള്‍ മരിച്ചു. നാസിക്കിലെ ഡോ. സക്കീര്‍ ഹുസൈന്‍ ആശുപത്രിയിലാണ് അപകടം. ആശുപത്രിക്ക് പുറത്തെ കൂറ്റന്‍ ഓക്സിജന് ടാങ്ക് നിറയ്‌ക്കുന്നതിനിടെ ചോര്‍ച്ചയുണ്ടാവുകയായിരുന്നു.
ബുധനാഴ്ച ഉച്ചയോടെയായിരുന്നു അപകടം. വെന്റിലേറ്ററില്‍ ചികിത്സയിലുണ്ടായിരുന്ന 22 കോവിഡ് രോഗികളാണ് മരിച്ചതെന്ന് മഹാരാഷ്‌ട്ര ആരോഗ്യമന്ത്രി രാജേഷ് തോപെ പറഞ്ഞു. ഓക്സിജന് വിതരണം തടസപ്പെട്ടതാണ് രോഗികള്‍ മരിക്കാന്‍ കാരണമെന്നും അദ്ദേഹം പറഞ്ഞു.
ടാങ്കില്‍ ചോര്‍ച്ചയുണ്ടായതിനെ തുടര്‍ന്ന് അര മണിക്കൂറോളമാണ് ആശുപത്രിയിലേക്കുള്ള ഓക്സിജന് വിതരണം തടസപ്പെട്ടത്. ഇതിനെ തുടര്‍ന്ന് ഓക്സിജന് പിന്തുണയില്‍ ചികിത്സയില്‍ കഴിഞ്ഞിരുന്ന 31 രോഗികളെ അടുത്തുള്ള ആശുപത്രിയിലേക്ക് മാറ്റി. ബാക്കി അമ്പത് പേരുടെ നില തൃപ്തികരമാണെന്നാണ് ആശുപത്രി ്അധികൃതര്‍ അറിയിച്ചത്.
നിലവില്‍ അഗ്‌നിരക്ഷാ സേന ഉദ്യോഗസ്ഥര്‍ സ്ഥലത്തെത്തി ചോര്‍ച്ച അടയ്‌ക്കാനുള്ള ശ്രമങ്ങള്‍ നടത്തി വരികയാണ്. സംഭവത്തില്‍ അന്വേഷണത്തിന് ഉത്തരവിട്ടതായും അപകടത്തിന്റെ ഉത്തരവാദികള്‍ക്കെതിരെ കര്‍ശ്ശന നടപടി കൈക്കൊള്ളും ഇവരെ രക്ഷപെടാന്‍ അനുവദിക്കില്ലെന്നും കേന്ദ്രമന്ത്രി രാജേന്ദ്ര ഷിങ്കേന്‍ അറിയിച്ചു.
പ്രതികരിക്കാൻ ഇവിടെ എഴുതുക: