തിരുവനന്തപുരം: ലൗ ജിഹാദില് സര്ക്കാരോ, കോണ്ഗ്രസോ കൂടെയുണ്ടാവില്ലെന്ന് സംവിധായകന് അലി അക്ബര്. അതിനാല് ക്രിസ്ത്യാനികളും ഹിന്ദുക്കളും പെണ്മക്കളെ ശ്രദ്ധിച്ചാല് നല്ലതായിരിക്കുമെന്നാണ് അലി അക്ബര് പറയുന്നത്. തന്റെ ഫേസ്ബുക്ക് പേജിലാണ് അലി അക്ബര് ലവ് ജിഹാദിനെ കുറിച്ച് പോസ്റ്റ് ഇട്ടത്.
‘ലവ് ജിഹാദ്’ സര്ക്കാര് ഒപ്പമുണ്ടാകില്ല, കോണ്ഗ്രസ്സ് ഒപ്പമുണ്ടാവില്ല, ക്രിസ്ത്യാനികളും ഹൈന്ദവരും തങ്ങളുടെ പെണ്മക്കളെ ശ്രദ്ധിച്ചാല് നല്ലത്. കാക്ക കൊത്തും.- ഇതാണ് അലി അക്ബറിന്റെ പോസ്റ്റ്. പോസ്റ്റിനെ അനുകൂലിച്ചും വിമര്ശിച്ചും നിരവധി പേര് കമന്റുകളുമായി എത്തുന്നുണ്ട്.
നിലവില് അലി അക്ബര് പുഴ മുതല് പുഴ വരെ എന്ന ചിത്രത്തിന്റെ അണിയറയിലാണ്. വാരിയംകുന്നത്ത് കുഞ്ഞഹമ്മദ് ഹാജിയുടെ ജീവിതം പറയുന്ന ‘വാരിയംകുന്നന്’ എന്ന സിനിമ സംവിധായകന് ആഷിഖ് അബു പ്രഖ്യാപിച്ചതിന് തൊട്ടുപിന്നാലെയാണ് സംവിധായകന് അലി അക്ബര് വാരിയംകുന്നത്ത് കുഞ്ഞഹമ്മദ് ഹാജിയുടെ യഥാര്ത്ഥ ചരിത്രം പറയുന്ന 1921 പുഴ മുതല് പുഴ വരെ എന്ന സിനിമ ഒരുക്കുന്ന കാര്യം സമൂഹമാധ്യമങ്ങളിലൂടെ അറിയിച്ചത്.
1921 പുഴ മുതല് പുഴ വരെയുടെ ആദ്യ ഷെഡ്യൂള് വയനാട്ടിലായിരുന്നു നടന്നത്. വയനാട്ടിലെ എല്ലാ ഭാഗത്തും ചിത്രീകരണം നടത്തിയിരുന്നു. കേരളത്തിലെ തെരഞ്ഞെടുപ്പിന് ശേഷം മാത്രമെ ഇനി രണ്ടാമത്തെ ഷെഡ്യൂള് ആരംഭിക്കുകയുള്ളു. വയനാട്ടില് ചിത്രീകരണത്തിനിടെ സഹായിച്ച എല്ലാ നാട്ടുകാര്ക്കും അലി അക്ബര് നന്ദി അറിയിക്കുകയും ചെയ്തിരുന്നു.
30 ദിവസം നീണ്ടതായിരുന്നു വയനാട്ടിലെ ആദ്യ ഷെഡ്യൂള്. മൂന്ന് ഷെഡ്യൂളുകളായാണ് ചിത്രത്തിന്റെ ഷൂട്ടിങ് നടക്കുക എന്ന് നേരത്തെ അറിയിച്ചിരുന്നു. സിനിമക്ക് വേണ്ടി താന് ഭിക്ഷ യാചിക്കുക തന്നെയാണെന്നും അത് ക്ഷേത്രത്തിലേക്ക് കൊടുക്കും പോലെയാണെന്നും അലി അക്ബര് വ്യക്തമാക്കിയിരുന്നു. പക്ഷേ ഈ പ്രൊജക്ടിന് വേണ്ടി റോഡില് ഇറങ്ങാനും ഭിക്ഷ യാചിക്കാനും തയ്യാറാണെന്നും അലി അക്ബര് വ്യക്തമാക്കിയിരുന്നു.
